Advertisements

Kòrsou Presidente di OCTA

Kòrsou Presidente di OCTA

Geplaatst op 12 Mart 2019 dor di Ministerio di Asuntunan General i Promé Minister

Willemstad – Den siman di 25 di febrüari último Minister di Tráfiko, Transporte i Planifikashon Urbano, Sra. Zita Jesus-Leito huntu ku dos miembro di delegashon (ku Union Oropeo ta spònser) a biaha pa Polinesia Franses en konekshon ku e Siman Ministerial di OCTA. Durante e siman aki a trata diferente tema manera Fondo di Desaroyo Oropeo (Europees Ontwikkelingsfonds, EOF), desaroyo manera Brexit i e situashon na Venezuela. Minister Jesus-Leito a bai na lugá di Promé Minister Rhuggenaath, ya ku Promé Minister Rhuggenaath mester a keda pa atendé desaroyonan na Kòrsou.

Pa loke ta trata e fondo di desaroyo regional, na òktober 2018 ya a skohe definitivamente pa e tres sektor di foko pa region Karibe, esta: ‘resilience’, biodiversidat marina i energia duradero. Minister a firma un ‘endorsement declaration’ na nòmber di Kòrsou. En total e region Karibe ta haña 40 mion euro pa proyektonan komun den e region. Na mes un momentu Kòrsou a haña oportunidat pa presentá e situashon pa loke ta trata e di dies i diesun EOF. Ku e di dies EOF ta finansiá proyektonan pa drecha Kortijn, Nieuw Nederland, Sapaté i Tera Cora. Lo aloká e fondonan pa e di diesun EOF na proyektonan pa konstruí komunidatnan duradero  i ‘resilient.

Durante e Konferensia Ministerial, Kòrsou a papia tokante di su vishon pa loke ta trata diferente desaroyo manera Brexit i e desaroyonan aktual ku tin influensia riba e fondo ku e ta risibí kaba. Ademas, a skohe Kòrsou unánimamente komo presidente di Overseas Countries and Territories Association (OCTA).

Despues di e Konferensia Ministerial a sigui e Foro EU-LGO den kual e LGO-nan huntu ku e miembronan di Komishon Oropeo, inkluyendo Euro Komisario Mimica, i nashonnan miembro (Dinamarka, Fransia, Gran Bretania i Reino Hulandes) a partisipá. Na nòmber di e LGO-nan Hulandes, Kòrsou a duna su disertashon tokante futuro di e ‘partnership’ di EU-LOG. Despues a presentá Kòrsou komo presidente di OCTA.

Durante kombersashonnan bilateral i multilateral ku Euro Komisario Mimica i otro miembro di Komishon Oropeo, a trata Venezuela. E komishon kier a haña informashon tokante di e situashon i durante e reunion el a indiká ku posiblemente tin fondo disponibel pa Kòrsou en konekshon ku e situashon na Venezuela. Gobièrnu i e Komishon lo tene mas kontakto ku otro riba esaki.

 

Curaçao OCTA Voorzitter

Geplaatst op 12 maart 2019 door Ministerie van Algemene Zaken en Minister President

Willemstad – In de week van 25 februari jl. is de Minister van Verkeer, Vervoer en Ruimtelijke Planning, mw. Zita Jesus-Leito samen met twee (door de Europese Unie gesponsorde) delegatieleden naar Frans Polynesië afgereisd in verband met de OCTA Ministeriële Week. Tijdens deze week zijn verschillende onderwerpen besproken zoals het Europees Ontwikkelingsfonds (EOF), ontwikkelingen zoals Brexit en de situatie in Venezuela. Minister Jesus-Leito verving de rol van Minister-President Rhuggenaath, aangezien de Premier op Curaçao moest blijven in verband met de recente lokale ontwikkelingen.

Voor wat betreft de regionale ontwikkelingsfonds, waren de drie focussectoren in oktober 2018 al definitief gekozen voor het Caribisch gebied, namelijk: ‘resilience’ (weerbaarheid), mariene biodiversiteit en duurzame energie. De Minister heeft namens Curaçao een “endorsement declaration” ondertekend. In totaal krijgt het Caribisch gebied € 40 miljoen voor gezamenlijke projecten in de regio. Tegelijk heeft Curaçao de gelegenheid gehad om de stand van zaken ten aanzien van de 10de en 11de EOF te presenteren. Met de 10de EOF worden projecten gefinancierd om de buurten in Kortijn, Nieuw Nederland, Sapaté en Tera Cora op te knappen. De fondsen voor de 11de EOF zullen aan projecten worden gegeven om weerbare en duurzame gemeenschappen op te bouwen.

Tijdens de Ministeriële Conferentie, heeft Curaçao haar visie ten aanzien van verschillende ontwikkelingen besproken zoals Brexit en huidige onderhandelingen die invloed hebben op de fondsen die al worden ontvangen. Daarnaast is Curaçao unaniem gekozen tot voorzitter van de Overseas Countries and Territories Association (OCTA).

Na de Ministeriële Conferentie volgde het EU-LGO Forum, waar de LGOs samen met leden van de Europese Commissie, inclusief Eurocommissaris Mimica, en lidstaten (Denemarken, Frankrijk, Verenigd Koninkrijk en Koninkrijk der Nederlanden) aan deelnamen. Curaçao heeft namens de Nederlandse LGOs een betoog gehouden over de toekomst van het EU-LGO partnerschap. Hierna werd Curaçao als OCTA Voorzitter gepresenteerd.

Tijdens bilaterale en multilaterale gesprekken met Eurocommissaris Mimica en overige leden van de Europese Commissie is Venezuela ter sprake gekomen. De Commissie wilde graag informatie over de situatie vernemen en gaf tijdens de vergadering aan dat er mogelijk fondsen beschikbaar zijn voor Curaçao in verband met de situatie in Venezuela. Hierover zal er nader contact worden onderhouden tussen de regering en Commissie.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: