Advertisements

Kòrsou ta sera espasio aéreo pa tur Boeing tipo 737-8 MAX i 737-9 MAX

Kòrsou ta sera espasio aéreo pa tur Boeing tipo 737-8 MAX i 737-9 MAX

Willemstad – Outoridat di Aviashon Sivil di Kòrsou (CCAA) a disidí awe 12 di mart 2019, den deliberashon ku Hulanda pa loke ta trata Boneiru, i Aruba, pa sera nos espasio aéreo pa tur e avionnan tipo Boeing 737-8 MAX i 737-9 MAX. Esaki ta relashoná ku e aksidentenan ku a tuma lugá últimamente ku e tipo di avion aki.
Konsekuensia di e desishon aki ta ku e kompanianan di aviashon ku ta usa e tipo di avion aki, lo mester usa otro tipo di avion pa por drenta nos espasio aéreo.
Tin diferente otro pais ku ya a tuma e mes un medida aki. E desishon aki a drenta na vigor pa medio di un ‘Notice to All Airman’ (NOTAM) pa 18.30 di anochi.

Advertisements

Skibi bo komentario / Opinion

This site uses Akismet to reduce spam. Learn how your comment data is processed.

error: Content is protected !!
%d bloggers like this: