Advertisements

Invitashon na Apertura Kunukito di Kas i di Bario Otrobanda

Invitashon na Apertura Kunukito di Kas i di Bario Otrobanda

 


WILLEMSTAD –  Djamars, 12 di mart lo bai tuma lugá apertura di e proyekto Kunukito di Kas i di Bario den Otrobanda. Ministerio di Salú, Medioambiente i Naturalesa (GMN), Federashon Otrobanda i Programa di Urgensia ta invitá boso medio di prensa pa ta presente na esaki. Minister di GMN, señora Suzy Camelia-Römer, lo tei pa hiba algun palabra i hasi apertura ofisial di e proyekto.

Ku e proyekto aki ministerio di GMN tin e meta pa habitantenan siña planta i hasi uso di nan propio kosecha. Partisipantenan lo siña kon pa hasi uso di materialnan no konvenshonal pa por planta. Alabes partisipantenan lo siña kon pa kushiná di forma salú hasiendo uso di nan kosecha. Esaki lo trese kuné ku habitantenan lo kuminsá hiba un bida mas salú, teniendo kuenta ku loke nan ta kome. I al final te asta por baha di peso, kaminda esaki ta nesesario.

Ministerio di GMN ta para pa salubridat di nos komunidat mientras Programa di Urgensia ta para pa mehorá kalidat di bida den bario. Trahando huntu lo logra esakinan.

Esaki lo tuma lugá djamars 12 di mart 2019 di 6.30pm pa 9or pm na Sentro di Bario Otrobanda. Bo presensia lo ta altamente apresiá.

Advertisements
error: Content is protected !!
%d bloggers like this: