Advertisements

Cpost International N.V. i Volkswagen Curaçao ta presentá e promé premio di e kampaña “Kumpra number di outo i gana”

Cpost International N.V. i Volkswagen Curaçao ta presentá e promé premio di e kampaña “Kumpra number di outo i gana”

 

WILLEMSTAD – Cpost International N.V. i su “branding partner” Volkswagen Curaçao a presentá e outo nobo ku ta e promé premio pa e kampaña “Kumpra Bo Number di Outo i Gana”.

E Volkswagen Gol 2019 a yega Kòrsou i nos tin ku presenté”: e CEO di Cpost International N.V., Thomas Rõggendorf ta bisa.

.

“Nos a kuminsá ku e kampaña aki na Yanüari i te ku awor nos tin un par di mil kliente ku a kumpra serka nos i ku nan nòmber ta den e buzón for di kual nos ta bai saka e ganadornan. Tur hende ku tin outo tin e responsabilidat pa paga nan number di outo tur aña. Nos tin hopi apresio pa esunnan ku ta skohe pa gana tempu i pagé na un di nos filialnan i esaki ta nos manera di mustra nos apresio”, e CEO di Cpost International N.V. ta sigui bisa.

 

E Kampanja.

Tur kliente ku paga nan Impuesto riba vehíkulo (number di outo) na un di e filialnan di Cpost, por partisipá pa gana tur luna premionan fantástiko, ku tin komo promé premio un outo Volkswagen Gol 2019 nobo nobo ku lo keda rifá na ougùstùs 2019.

Pa partisipá ta fásil. Pa kada Impuesto riba vehíkulo ku wòrdu pagá, e kliente ta risibí un lòt, ku e tin ku yena i depositá esaki den e buzón.

Klientenan por akudí na un di e filialnan di Cpost, ku ta WTC, Paseata, Punda òf Groot Kwartier pa paga e Impuesto riba vehíkulo.

 

Pa hasi pago di Impuesto riba vehíkulo (number di outo), klientenan mester trese:

  • Komprobante di pago di impuesto di 2018
  • Keuringskaart bálido
  • Komprobante di seguro di outo bálido

Klientenan por paga ku sèn kèsh òf por hasi uso di un ‘debit card’. Kompanianan sí por paga tambe ku chèk.

E ganadó di e outo Volkswagen GOL 2019 ta risibí tambe e seguro di outo i Impuesto riba e vehíkulo pagá pa un aña kompletu i tambe un bòn di gasolin. E segundo premio, ta e montante ku a ser pagá na Impuesto riba e vehíkulo na Cpost huntu ku e seguro di outo te na un montante máksimo di 1500 florin. E terser premio ta e montante di e Impuesto riba e vehíkulo ku a ser pagá na Cpost.

 

Ademas di tur e premionan aki, tur luna Cpost lo rifa premionan atraktivo entre tur kliente ku a paga nan number di outo durante e luna ey na Cpost.

 

Cpost den su afan pa sirbi su klientenan aún mas mihó, ta ofresé e posibilidat na negoshinan ku tin un kantidat di mas ku 5 Impuesto (number di outo), sea di e negoshi mes òf di nan empleadonan, pa buska e dokumentunan, prosesá e pagonan i entregá e dokumentunan bèk na e kliente.

Pa traha un afsprak pa e servisio aki klientenan por manda un e-mail na roadtax@cpostint.com i gustosamente esaki lo keda atendé.

 

Di e manera aki, Cpost ta yama danki na tur su klientenan ku a sa di depósita nan konfiansa den e kompania.

Pa mas informashon por subi website: www.cpostinternational.com

 

Advertisements
error: Content is protected !!
%d bloggers like this: