Advertisements

UNSEBAKO ku pelíkula “FIREPROOF”  na sentronan di bario afiliá

UNSEBAKO ku pelíkula “FIREPROOF”  na sentronan di bario afiliá

Relashoná ku e periodo di kuaresma próksimo Fundashon UNSEBAKO den koperashon ku Fundashon “Piskadó nos ta”, “Kas di Beibel Kòrsou” i Sentro di bario Boka Samí ta presentá na sentronan di bario afiliá na UNSEBAKO un pelíkula ku ta kuadra ku e periodo di reflekshon di kuaresma.
E pelíkula ku e aña aki lo pasa na e sentronan di bario afiliá na UNSEBAKO, ta “FIREPROOF”
Un pelíkula kristian ku ta relatá e relashon matrimonial problemátiko di un bombero ku ta realisá ku ela faya komo esposo. E ta inisiá un mishon pa den 40 dia demostrá kuantu e ta dispuesto na duna i sakrifiká pa salba su matrimonio. Den simannan benidero habitantenan di e barionan en kestion pero tambe públiko en general ta bonbiní pa gratuitamente bin wak e pelíkula aki na un di e sentronan di bario afiliá na UNSEBAKO.

E skema di presentashon di e pelíkula ta lo siguiente

                                PELÍKULA “FIREPROOF”        
– Un pelíkula kristian ku ta relatá un relashon matrimonial problemátiko i e esfuersonan
     pa keda kasá, biba un bida honesto i laga bo fe den un poder supremo guia bo. –

                   Orario: 7’or pa 9’or di anochi             Entrada: Grátis
Sentro di bario Boka Samí Djaluna 18 mart 2019
Sentro di bario Gibraltar Djabièrnè 22 mart  2019
Sentro di bario Koraal Specht Djamars 26 mart 2019
Sentro di bario Santa Maria Djaweps 28 mart 2019
Sentro di bario Souax Djabièrnè 29 mart  2019
Sentro di bario Wishi/Marchena Djasabra 30 mart 2019
Sentro di bario Ser’i Papaya Djamars 2 aprel 2019
Sentro di bario Brievengat Djárason 3 aprel 2019
Sentro di bario Soto Djaweps 4 aprel 2019
Sentro di bario Rooi Santu Djabièrnè 5 aprel 2019
Sentro di bario Montaña Djasabra 6 aprel 2019
Sentro di bario Otrobanda Djamars 9 aprel 2019
Sentro di bario Tera Kòrá Djárason 10 aprel 2019
Sentro di bario Kanga Dein Djasabra 13 aprel 2019
Sentro di bario Buena Vista Lo anunsiá fecha i lugá despues

 

Advertisements
error: Content is protected !!
%d bloggers like this: