Advertisements

ADAPTASHON DI INSTRUKSHON KON PA ATENDÉ KU PERSONANAN (IN)DOKUMENTÁ KU NASHONALIDAT VENEZOLANO ÒF PROSEDENTE FOR DI VENEZUELA

ADAPTASHON DI INSTRUKSHON KON PA ATENDÉ KU PERSONANAN (IN)DOKUMENTÁ KU NASHONALIDAT VENEZOLANO ÒF PROSEDENTE FOR DI VENEZUELA

Relashoná ku e desishon di gobièrnu Venezolano pa sera fronteranan aéreo i marítimo pa karga i
pasaheronan ku no ta prosedente di Venezuela i un posibel siere total di frontera entre Venezuela i Kòrsou,
Minister di Hustisia Quincy Girigorie resientemente a formulá i adaptá reglanan i duna instrukshonnan
spesífiko pa loke ta trata personanan di nashonalidat Venezolano ku di un òf otro forma por (a) wòrdu afektá
dor di e siere di frontera aki. Teniendo kuenta ku e por (a) difikultá regreso pa nan pais Venezuela i komo tal
nan por kore e riesgo di kai den ilegalidat pa e motibu aki. Pa motibu di informashonnan nobo ta importante
pa adaptá e instrukshon i aklará e instrukshon.

Puntonan importante di adaptashon

Turistanan

– Na promé lugá ta konsehá e turista Venezolano pa hasi su máksimo esfuerso pa regresá su pais di
prosedensia promé ku e periodo di su estadia turístiko kaba, via di rutanan alternativo. Sinembargo
teniendo kuenta ku e situashon pekuliar aktual, Minister di Hustisia ta duna un espasio di dos (2) siman
di tempu despues ku a sera fronteranan pa karga i pasaheronan ku no ta prosedente di Venezuela (te
ku 10 di mart 2019), pa e turista en kuestion por buska un ruta alternativo pa por regresá Venezuela.
Durante e periodo aki, personanan ku nan pèrmit di estadia turístiko a vense pa motibu ku nan no por a
regresá nan pais, lo no risibí un dekreto di ekspulshon (‘verwijderingsbeschikking’) esta e dekreto a
base di kua nan no por drenta pais Kòrsou legalmente pa un periodo definí.

– Originalmente Minister di Hustisia a instruí pa despues di 10 di mart 2019 si e turista no logra sali, lo e
mester entregá un petishon konforme reglanan vigente i kumpli ku rekisitonan manera pago di ‘leges’,
pa alargá su estadia komo turista na Kòrsou (‘toeristisch verblijf’). Enbista di informashonnan nobo ku a
drenta, no ta nesesario mas pa despues di 10 di mart alargá estadia turístiko pa e motibu spesífiko aki.
Tur aereolinea Venezolano tin pèrmit di gobièrnu Venezolano pa transportá pasahero Venezuela òf
persona residensiá na Venezuela pa drenta Venezuela bèk. Turistanan ku a drenta Kòrsou ku otro
aerolinea ku no ta Venezolano tin ku tuma kontakto ku aerolinea Venezolano pa asina por bai nan pais
bèk segun nan plan original.

– No ta premirá ku riba término korto lo tin un siere di frontera kompletu. Asina ta ku e instrukshon den e
kuadro aki ta keda suspendé te ku un aviso nobo.

– Mirando e situashon prekario ku frontera, e instrukshon pa pasaheronan di transito ta keda na vigor. Lo
no permití pasaheronan ku tin Venezuela komo destinashon final, drenta i permanesé na Kòrsou
teniendo na kuenta ku nan no por sigui biaha.Pa ku alargashon di pèrmit di estadia den e kuadro aki, lo tene kuenta pa ku kada kaso ku keda presentá. Si ta nesesario hasi un ahuste general, lo anunsiá esaki na su debido tempu.
Konsiderando e situashon aktual, Minister di Hustisia lo sigui evaluá si ta nesesario pa bini ku mas ahuste di e
maneho di Imigrashon i Atmishon aktual. Eventual ahustenan lo keda anunsiá despues.

 

Advertisements
error: Content is protected !!
%d bloggers like this: