Advertisements

Reunionnan di OCIA a reanuda

Reunionnan di OCIA a reanuda
Den cuadro di discusionnan tripartita riba cumplimento di Gobierno pa cu tratadonan internacional riba temanan laboral, e comision “Overlegcomissie Internationale Arbeidsaangelegenheden (OCIA) a reuni awe tardi bou di presidencia di DAO.
Circumstancianan a conduci cu e comision a keda  pa un tempo largo sin reuni. A uza e reunion di awe pa haci palabracion referente tur e tratadonan cu tin preferencia pa Pais Aruba. Esaki mirando e desaroyonan actual y tambe teniendo na cuenta e ciclo anual di ILO su raportahe cu Aruba ta mara na dje.
Cada partido presente a haya e oportunidad pa vocifera nan opinion riba e parti aki, na unda a palabra un schema nobo pa aña 2019 pa asina reunionnan por sigui tuma luga y e tratadonan laboral por wordo discuti.
E reunion di awe a bai den un bon ambiente na unda tur esunnan presente a demostra nan animo pa contribui y continua cu e reunionnan di OCIA.
Comision ta consisti di:
Sra. Gina Maduro, ABV
Sra. Magaly Brito, SEPPA
Sr. Rudy Geerman, FTA
Sr. Roland Croes, SETAR
Sr. Tito de Cuba, AHATA
Sra. Celia Thiel , DAS (Sociale Zaken)
Sr. Franklin Kock, DAO
Sr. Anthony Lee Riviears, como e presidente nobo di OCIA (DAO/DPL)
Advertisements
error: Content is protected !!
%d bloggers like this: