Advertisements

FFK TA FELISITÁ TUR HENDE MUHÉ, AWE 8 DI MART,  DIA INTERNASHONAL DI HENDE MUHÉ!

FFK TA FELISITÁ TUR HENDE MUHÉ, AWE 8 DI MART,  DIA INTERNASHONAL DI HENDE MUHÉ!

 

 

Ku bista riba e mishon di FFK i FIFA pa promové mas hende muhé den futbòl i maneho di futbòl, nos ke para ketu riba e selebrashon di awe, 8 mart, dia internashonal di hende muhé.

Esaki ta un bunita oportunidat pa FFK felisitá tur hende muhé riba nan dia i kompartí e plannan grandi ku tin na kaminda pa ku envolvimentu di nos hende muhénan den futbòl.

E aña aki FFK lo implementá un plan di akshon pa stimulá e desaroyo nesesario pa promoshon di futbòl na Kòrsou riba diferente área.

Ta e intenshon pa logra esaki dor di;

–  Organisá diferente proyekto, klínika, ‘workshop’ i konferensia pa promové futbòl di dama

  lokal
–  Atkerí i train mas hende muhé pa por tuma posishon den maneho i direktivanan di klupnan.
–  Generá mas dirigente hende muhé den direktiva i organisashon di FFK i atraé mas hende

   muhé ku potensial pa bira entre otro rèfri pa dirihí nos weganan.

 Yuda inisiá mas kompetensia di dama riba nivel lokal, regional i internashonal.  

Den kuadro di e metanan aki FFK ta partisipá ku den luna di aprel, lo inisiá un ‘warm-up tournement’ pa dama di kategoria U-14. Esaki komo preparashon pa e torneo internashonal di dama pa kategoria U-14 ku lo tuma lugá na ougùstùs próksimo.

Pronto pueblo di Kòrsou lo por mira nos damanan den akshon un biaha mas ehersiendo nan deporte preferí, e deporte rei, futbòl.

Pues FFK ta sigui traha duru pa nos dama nan tambe sobresalí den futbòl.

Un biaha mas, pabien na tur hende muhé riba nan dia!

skema 1e divishon 2E Buelta 5 mart 19

 

skema 2e divishon 2e buelta 5 mrt. 19

Advertisements
error: Content is protected !!
%d bloggers like this: