Advertisements

KOMUNIKADO DI KUERPO POLISIAL KÒRSOU Detenshon en konekshon ku violensia relashonal

KOMUNIKADO DI KUERPO POLISIAL KÒRSOU

072/ 2019

16 febrüari 2019

Detenshon en konekshon ku violensia relashonal

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra mardugá alrededor di 03.31’or, Sentral di polis a dirigí un unidat di Rio Canario na
un kas den Peruweg, unda un hòmber lo mester tabata maltratando un dama.
Na yegada di e unidat, e dama a indiká na polis ku su partner lo mester a yega kas bou di
influensia di alkohòl i a kuminsá ta maltrat’é. Polis a konstatá diferente señal di violensia na
kurpa di e dama.
Mesora e unidat a detené e sospechoso den e kaso aki, e hòmber M.E.M. nase na Repúblika
Dominikana di 41 aña di edat pa maltrato.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

 

Advertisements
error: Content is protected !!
%d bloggers like this: