Advertisements

OPORTUNIDÁT PA ETALÁ KÒRSOU SU FUNSHON LOGÍSTIK RIBA NIVEL INTERNASHONAL

OPORTUNIDÁT PA ETALÁ KÒRSOU SU FUNSHON LOGÍSTIK RIBA NIVEL INTERNASHONAL

Un aliento pa kresementu ekonómiko
Willemstad, 15 febrüari 2019 – EO Curaçao ta kontentu di tuma nota di tur e atenshon ku pais Kòrsou a haña
den e último siman aki, pa loke ta trata nos funshon komo brùg den mishonnan humanitario pa pais bisiña
Venezuela. Kòrsou tin años ta funshoná i promové su mes komo hùb logístiko, i e oportunidat aki ta úniko
pa nos mustra nos talentonan mientras nos ta sostené nos rumannan na Venezuela.
No ta deskonosí ku Venezuela ta den un krisis gubernamental, ku ya pa tempu kaba a kumisa manifestá su mes
asta pafo di su fronteranan, inkluso aki na Kòrsou. Un i tur ku konosí, òf famia, ku rais Venezolano por tende
testimonio di horor ku ta realidat djis par di kilometer sur di nos. Pa maske ku nos pais, Reino Hulandes, i nos
Gobiernu di Kòrsou ta sostené un banda di e krisis, mas importante ta pa mira e yudansa ku nos funshon
logístiko por ofresé na nos pueblo bisiña. Nos ke enfatisá ku esaki ta trata di sosten na e pueblo Venezolano en
general, ku ta den nesesidat grandi di artikulonan básiko manera kuminda i medisina, komo resultado di e
situason penoso den e pais.
Nos no por keda sin nota tambe e oportunidat ku esaki tin pa Kòrsou su ekonomia. E renombre internashonal
ku nos a haña kaba ta posishoná nos mes den rangonan haltu riba tarima internashonal, por trese kune ku hopi
empresa lokal por haña un aliento. Yudansa humanitario tambe tin interakshon ku sektor privá i si nos mustra
nos abilidatnan na e momentu aki, sin duda nos por posishoná nos mes pa mas oportunidat den futuro. Esaki
basá riba nos relashon di varios shen aña ku Venezuela.
E ta opvio pa nos ku den komunidat por tin algun reserva, i asta miedu, pa ku e trabou aki; i ku e por ta ligá
tambe na posibel interes pa ku pais bisiña. Tambe ta bisto na nos ku e situashon tenso por eskalá i sin duda lo
tin su efekto pa ku pais Kòrsou. Den tempu bon nos a benefisia hopi for di nos relashon ku pais bisiña den por
éhèmpel sektor petrolero, maritimo i turismo. I awor ku tempu ta malu pa nan ta nos deber pa duna un man
na nos pròhimo sin importá nashonalidat.

Advertisements
error: Content is protected !!
%d bloggers like this: