Advertisements

Tur kos ta práktikamente kla pa “Kunukito di Kas i di Bario” start den Otrobanda/Rif

Tur kos ta práktikamente kla pa “Kunukito di Kas i di Bario” start den Otrobanda/Rif

 

Kòrsou- Djamars 12 di febrüari 2019 na House of Change (Colon), a tuma lugá informashon general pa tur habitante di Otrobanda/Rif ku a inskribí i ku a keda selektá pa partisipá den e programa “Kunukito di Kas i di Bario”. Meta di e programa ta pa mehorá salú di komunidat di Kòrsou dor di promové nutrishon balansá y seguridat alimentisio partikularmente bou di mucha i hobennan i kombatí pobresa.

Otrobanda/Rif ta e di dos bario di Programa di Urgensia ku “Kunukito di Kas i di Bario” den su promé fase ta enfoká riba dje. Durante e anochi di informashon, habitantenan a haña splikashon kiko ta e vishon riba “Kunukito di Kas i di Bario”, sa kiko nan por bai spera i tambe haña kontesta riba tur nan preguntanan. Tabata sumamente “great” pa mira kon habitantenan di Buena Vista a akudí pa asina konta nan eksperensha pa ku e programa. Minister Camelia-Römer, Ministerio di Salú, Medio Ambiente i Naturalesa i kolaboradonan por ta satisfecho pa e trabou hasí, mirando e impakto ku e programa aki tin riba e bida di e habitantenan ku ya a partisipá kaba.

Den Otrobanda/Rif habitantenan lo sigui seshonnan di informashon i konsientisashon ku tin komo meta pa trese kambio positivo den nos sistema di alimentashon, stimulá i siña habitantenan planta na kas i den bario, produsiendo nan propio fruta i bèrdura (Lès di plantashon). Mas aleu habitantenan lo haña konosementu kon kome salú pagando menos, kon pa kushiná ku produktonan natural di nan propio kosecha (Lès di Kome Salú) i kon traha nan propio kunukito.

E programa den Otrobanda/Rif lo start den mart 2019. Sigui nos riba media sosial pa asina bo tambe por sigui/mira e desaroyo di “Kunukito di Kas i di Bario”.

Advertisements
error: Content is protected !!
%d bloggers like this: