Advertisements

Petishon reunion Komishon Sentral ku Minister di Finansa tokante situashon finansiero di Pais Kòrsou.

Presidente di Parlamento di Kòrsou

Señor William W. Millerson

Wilhelminaplein # 4

Presente

Djaluna, 12 febrüari 2019

Tópiko: Petishon reunion Komishon Sentral ku Minister di Finansa tokante situashon finansiero di Pais Kòrsou.

Apresiabel señor Millerson,

Kòrsou ta pará dilanti di diferente retonan grandi, manera sòru pa un kresementu ekonómiko, reforsá e struktura ekonómiko i tambe sigui drecha e situashon di finansa públiko di Pais Kòrsou. Un finansa públiko efektivo i efisiente organisá ta nesesario pa kresementu den invershon, kresementu ekonómiko duradero i tambe pa sigurá  distribushon hustu di bienestar i progreso pa kada siudadano ku ta biba aki na Kòrsou.

P’esei ta importante pa Parlamento di Kòrsou deliberá ku Minister di Finansa, señor Kenneth Gijsbertha, tokante e situashon finansiero di Pais Kòrsou.

Pa medio di e karta aki firmantenan ta hasi un petishon na señor Presidente Millerson pa konvoká konforme artíkulo 33 di Reglamento di Orden di Parlamento di Kòrsou, un reunion di Komishon Sentral ku Minister di Finansa señor Kenneth Gijsbertha ku tópiko:”Situashon finansiero di Pais Kòrsou”.

Firmantenan di Frakshon di PAR ta konta ku Presidente ta honra nos petishon den un di e próksimo simannan di reunion.

Atentamente,

Curtley Obispo Gisette Seferina

Stephen Walroud

Advertisements
error: Content is protected !!
%d bloggers like this: