Advertisements

KOMUNIKADO DI KUERPO POLISIAL KÒRSOU Kaso di ladronisia ku detenshon.

KOMUNIKADO DI KUERPO POLISIAL KÒRSOU

062 / 2019

13 febrüari 2019

Kaso di ladronisia ku detenshon.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djárason 13 di febrüari 2019 alrededor di 11.15 or, a tuma lugá un kaso di ladronisia den un
vehíkulo ku tabata stashoná na un playa den área di Westpunt.
E unidat ku a yega na e sitio a konstatá ku deskonosinan a hòrta artikulonan for di den un
vehíkulo. Na momentu ku polis tabata bai ku e víktima di ladronisia Warda di Polis Barber,
nan a topa ku un hòmber ta kana riba kaminda ku un tas pretu den su poder. Polis a para i
kontrolá e hòmber aki. A resultá ku e tas ta prosedente di e ladronisia ku a tuma lugá un
ratu promé na e playa ariba menshoná. Relashoná ku esaki polis a detené na e sitio e
hòmber, R.I.F. nasé na Kòrsou, di 19 aña di edat.
A presentá e sospechoso dilanti di un Fiskal Ouksiliar, ku a ordená su enkarselamentu
pendiente di mas investigashon.

Advertisements
error: Content is protected !!
%d bloggers like this: