Advertisements

KOMUNIKADO DI KUERPO POLISIAL KÒRSOU Entradanan hudisial i detenshon.

KOMUNIKADO DI KUERPO POLISIAL KÒRSOU

058/ 2019.

12 febrüari 2019

Entradanan hudisial i detenshon.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 12 di febrüari 2019, personal di Tim di Atrako huntu ku Tim di Aresto a tene entrada hudisial den un kas na Kaya Fin Fin i a hasi detenshon di tres persona. E detenshonnan aki a tuma lugá entre 05.20’or i 06.10’or di mainta.
Na e direkshon aki a detené tres persona:
 E dama J.C.C. di 50 aña di edat;
 E hòmber C.M.P.T. di 24 aña di edat, ámbos nase na Kòrsou.
E duo aki a keda detené pa violashon di lei di arma di kandela i lei di opio. Na e kas en kestion polis a konfiská un pistol, dos skopèt di airu i un kantidat di droga.
Mas aleu na e mesun adrès aki, polis a detené e hòmber J.C.J.T. di 17 aña di edat nase na Kòrsou, relashoná ku un atrako ku a tuma lugá dia 11 di yanüari último alrededor di 02.25’or na Kaya Isaias.
A konfiská algun artíkulo ku ta di importansia pa e investigashon.
Mas despues e personal a tene un entrada hudisial na Kaya Shers i akinan a konfiská artíkulonan importante pa e investigashon. Na e adrès aki no tabatin detenshon.
Investigashon den e kasonan aki ta kontinuá.

Advertisements
error: Content is protected !!
%d bloggers like this: