Advertisements

FESTIVAL DI TUMBA 2019 A RESULTA UN EKSITO TOTAL

FESTIVAL DI TUMBA 2019 A RESULTA UN EKSITO TOTAL

WILLEMSTAD — Direktiva di AMAK ta sumamente satisfecho ku resultado di Festival di Tumba 2019.  Aunke e situashon na Kòrsou durante di e último dianan tabata di preokupashon, pueblo a respondé bon na sostené e magno evento kultural musikal ku ta festival di tumba.

Un kantidat di faktor a kontribuí ku   por a mantené Festival di Tumba na un nivel haltu i ku a krea e posibilidat pa mundu será konosí ku un produkto di Kòrsou.

Durante 4 anochi, músikonan a presentá obranan musikal na nivel haltisimo i direktiva di AMAK ku koperashon di su branding partnernan, Licores Maduro, Gobièrnu di Kòrsou i CTB i e diferente spònsernan, a logra brinda pueblo di Kòrsou i mundu hinter un gran espektákulo.

Tabata dianan di preparashon hopi intensivo i  durante dianan di Festival tabatin sierto inkonbeniensianan ku a presentá na un forma inesperá, pero danki na e eksperiensha i danki na e team di kuerpo tékniko i kolaboradornan solushoná tur opstákulonan ku a presentá.

Mester duna mérito aki nan tambe na medionan di publisidat ku a duna gran sosten pa promové e aktividat aki, tantu na Kòrsou, Aruba, paisnan di Karibe Ulandes i ku koperashon di CTB, e promoshon mas ekstenso internashonal.

Un palabra di felisitashon ta bai na Gilbert Dibo Doran ku despues di un trayektoria di 10 aña,  a logra e titulo di Rei di Tumba, tantu komo kompositor i kantante.

Ya kaba direktiva ta trahando riba un plan pa prepará e di 50 edishon di Festival di Tumba ku lo bira aun mas grandi ku esun ku nos a kaba di eksperensia.

Finalmente, direktiva ke gradesí tur músiko i artista ku a partisipá, e branding partnernan Licores Maduro, Gobièrnu di Kòrsou i CTB i e sosten di diferente spònsernan manera: Kooyman, Global Paint, OMNI, Multi Post, Building Depot, The Trader, Star Motors, CMW, General Catering, Coca Cola i Selikor. Un danki tambe na kuerpo polisial, brantwer, Massive i Tele Curaçao  i muy espesialmente e team di produkshon.

Direktiva di AMAK ta bai tene su sekshonnan di evaluashon i e puntonan di atenshon ku mester mehorá lo haña debido atenshon pa e  Festival di Tumba 2020 bira un espektákulo grandi.

 

Atentamente

 

Direktiva di AMAK

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Advertisements
error: Content is protected !!
%d bloggers like this: