Advertisements

“Grupo Kutural Artistiko di China ku presentashon uniko na Kòrsou”

“Grupo Kutural Artistiko di China ku presentashon uniko na Kòrsou”

 

En konekshon ku selebrashon di 70 aniversario di Sentro Kultural Kòrsou (CCC), alabes selebrashon di Aña Nobo Chines e aña aki, Sentro Kultural Kòrsou den koperashon ku Konsulado General di China ta invitá komunidat di Kòrsou na un espektakulo uniko ku ta tuma lugá djadumingu awor 17 di febrüari 2019, den kua lo tin presentashon di un grupo kultural artistiko di China. E grupo aki ta den representashon di Ministerio di Kultura i Turismo di China i ta konsistí di 20 aktor i aktris profeshonal di China. Den e programa lo tin presentashon di arte marsial, bailenan foklóriko i kanto i musika di instrumèntnan tradishonal di China.

Un invitashon speshal ta bai na tur interesado pa djòin Sentro Kultural Korsou i representantenan di Konsulado di China den e selebrashon aki.

E evento ta tuma lugá den International School of Curaçao den Emmastad di 7’or pa 9.30’or di anochi. E evento ta grátis. Trahe (Dress Code) ta kasual.

Karchinan di entrada grátis ta optenibel na ofisina di Sentro Kultural Kòrsou na Koninginnelaan den Emmastad. Tantu e karchi komo kopia di e komunikado aki ta bálido. Por hasi reservashson na tel. 7373682 / 7373510.

Aparte di e presentashon di artistanan di China, tin presentashon tambe di baile foklóriko di Kòrsou, i komo e aña aki a ser proklamá dor di Gobièrnu di Kòrsou komo Aña di Ka’i Orgel lo tin presentashon tambe di Kaha di Músika tradishonal (Ka’i Orgel) di Korsou.

Un i tur ta bon bini.

Advertisements
error: Content is protected !!
%d bloggers like this: