Advertisements

Sindikato STSK

Pueblo di Kòrsou Sindikato STSK pa medio di e komunikado aki kier informa boso I tambe mustra boso kon hendenan ku supuestamente mester tei pa sirbi otro den e pais Kòrsou aki ta opera tur dia di nobo, Sindikato STSK for di su lantamentu na aña 2012 a bini ta lucha pa por kambia e dianan di vakashon pa personal di sosten den enseñansa di Kòrsou, na aña 2009 e Sindikato di e tempu ei SITEK, a kambia nos di e struktura di amtenaar I hinka nos den e struktura di enseñansa sin konsulta ku nos komo trahado I sin aprobashon di nos komo trahado, I nunka mas a soru di regla e kondishonan pa nos den e struktura nobo di enseñansa ku nan a hinka nos aden, personal di sosten ta tur persona ku ta labora den skol ku no ta duna les, nos komo Sindikato STSK a sinta na mesa ku sigur 9 Minister di enseñansa riba e topiko aki I porfin nos a yega na palabrashon konkreto ku Minister saliente sra Irene Dick I na aña 2016 nos a firma un Convenant ku basta punto aden inkluso e dianan di vakashon pa personal di sosten, e Minister di e tempu ei konsientemente a firma 2 Convenant unu ku Sindikato ku ta representa Dosente, I e otro ku e uniko Sindikato ku ta Sali na interes di trahado di sosten ku ta Sindikato STSK, despues di a firma e Convenant ku Sindikato STSK a palabra kon ta kana e proseso pa e parti di dianan di vakashon pa personal di sosten I esei a kana konforme prosedura I a yega na palabrashon ku Ministerio kon ta bai ehekuta esaki, tur kos ta kla pa ehekushon di esaki, diripiente e mes un figuranan ku a hinka nos komo trahado di sosten den e situashon aki na aña 2009 pa motibu di nan inkapasaidat, awor aki ta eksigi di gobièrnu ku e punto aki mester wòrdu trata I atende ku su Sindikato so, algo insolito I bergonsoso, no ta prome biaha ku ora ku e tin su akshon e ta kwe puntonan di Sindikato STSK hinka den su puntonan di atenshon I eksigi gobièrnu Minister di enseñansa pa atende nan ku su Sindikato pues un akto di mala fe I baho pa e mundu Sindikal, pero no esey so Minister I tambe gobièrnu ku ta sukumbi pa su preshon I bruamentu di tera. Nos komo Sindikato STSK a pone tantu Minister di enseñansa I tambe Prome Minister na altura ku nos no ta asepta pa niun Sindikato kwe nos punto I gobièrnu bai atende ku nan nos asuntunan, I si esaki sosode tòg Gobiernu ta obliga nos di mobilisa Sindikalmente ku tur e konsekuensianan ku esaki por trese ku ne,  Nos komo Sindikato STSK ta sostene e Dosentenan, esta e Dosentenan ku ta den akshon I ta mustra nos solidaridat ku nan pa nan lucha hustu, esaki Sindikato ta para pe.

Nos kier pa pueblo di korsou ta na altura tokante di moveshonan antisindikal ku tin ta tuma luga I si yega asina leu ku nos tin ku uza nos arma Sindikal pa pueblo di Kòrsou tin komprenshon I tene pasenshi pa ku nos paso lo no ta bai ta nada dushi.

Por ultimo nos kier bisa ku Sindikato STSK ta sostene e akshon hustu di e trahadonan, esta e trahadonan di SITEK ku awor aki ta den akshon pa nan lucha hustifika, esaki un Sindikato ta para pe.

Advertisements
error: Content is protected !!
%d bloggers like this: