Advertisements

Karta parlamentario Curtley Obispo na Minister Presidènt di Kòrsou Señor Eugene Rhuggenaath MBA/MBI ku Tópiko: Konbenio di Savaneta.

Minister Presidènt di Kòrsou

Minister di Asuntunan General   

Señor Eugene Rhuggenaath MBA/MBI

Fort Amsterdam # 17

 

Djaluna, 11 febrüari 2019

 

Tópiko: Konbenio di Savaneta.

Apresiabel señor Minister Presidènt Eugene Rhuggenaath,

Komo parlamentario mi ta kere firme den kolaborashon entre e 4 paisnan outónomo den Reino Hulandes, kual ta Kòrsou, Aruba, Sint Maarten i Hulanda. Kolaborashon ta bon pa asina por interkambiá konosementu, kolaborá ku otro i sostené otro ku e meta pa progreso i bienestar di nos pueblonan den Reino Hulandes.

Mi ta aploudí ku den apénas 11 dia, Gobièrnu di Kòrsou representá pa Minister Presidènt Eugene Rhuggenaath a logra di firma 2 konbenio importante di koperashon ku e 3 otro paisnan ruman den Reino Hulandes. E promé konbenio ta e konbenio di koperashon i asistensia tékniko firma entre Hulanda i Kòrsou dia 21 yanüari 2019. E di dos konbenio di koperashon, ta e konbenio di Savaneta firmá entre Kòrsou, Aruba i Sint Maarten dia 31 yanüari 2019 na Pais Aruba.

Parlamento di Kòrsou a risibí dia 30 yanüari 2019 den karta di Minister Presidènt Eugene Rhuggenaath e konbenio i tambe un relato i splikashon amplio di e konvenio firma dia 21 yanüari 2019 entre Kòrsou i Hulanda. Pa loke ta e konvenio di Savaneta firma dia 31 yanüari 2019, mi ta serka Minister Presidènt Eugene Rhuggenaath a base di Artíkulo 96 di Reglamentu di Órden di Parlamento di Kòrsou ku e petishon pa por risibí un kopia di e konbenio di Savaneta.

Atentamente,

Curtley Obispo

Parlamentario pa Kòrsou

PAR

 

Advertisements
error: Content is protected !!
%d bloggers like this: