Advertisements

PIN ta kontentu ku tur partido por haña nan mes den e restrukturashon di PMO

PIN ta kontentu ku tur partido por haña nan mes den e restrukturashon di PMO.

Partido Inovashon Nashonal ( PIN) ta kontentu ku Refineria di Kòrsou (RDK) a restrukturá e Project Management Office (PMO) di tal forma, ku mas hende tin partisipashon den e proseduranan ku tin di kondusí na un operadó nobo pa Refineria di Kòrsou. En bes di un (1)  persona e PMO lo konsistí di tres (3) persona ku Sr. De Lannoy, direkteur di RDK na kabes. Un di e personanan aki lo keda apuntá dor di sindikatonan. 

Tantu Sr. Christiaan komo Sr. Cova lo sigui funshoná den ròl di konsehero den e areánan ku ya nan ta kontratá.

PIN ta kontentu ku tur partido por haña nan mes den e restrukturashon aki.

Willemstad, 8 febrüari 2019

Advertisements
error: Content is protected !!
%d bloggers like this: