Advertisements

Modesto Apostel  “Chano” Margaretha (1911-1990) Libertadó di Papiamentu 8 di febrüari 1958 – 8 di febrüari 2019

Modesto Apostel  “Chano” Margaretha (1911-1990)

Libertadó di Papiamentu

8 di febrüari 1958 – 8 di febrüari 2019

E aña akí ta selebrá 61 aña  ku a papia Papiamentu den Parlamento.

Esaki ta debí na e kurashi i determinashon di nos baluarte mayó Chano Margaretha pa trese kambio esensial ku ta di gran balor pa tur yu di tera. Nos idioma materno Papiamentu, ta balorá i aktivamente uzá durante di reunionnan ku ta hibá den e órgano mas haltu di Pais Kòrsou ku ta nos Parlamento.

Dia 8 di febrüari 1958 Modesto Apostel “Chano” Margaretha a tuma kurashi i papia Papiamentu durante debate den Konseho Insular, Chano tabata di Partido Democraat ( DP).

Apesar di a keda strobá, Chano Margaretha a pèrsistí i kontinuá na Papiamentu.

E no a hasi esaki pa kousa problema. E tabata konvensí ku e hendenan ku a vota p’e mester por a komprondé ora e ta trese su puntonan dilanti den Konseho Insular.

Pa Margaretha, demokrasia no tin sentido si e hende ku bo ta representá no por sigui su parlamentario.

Dia 5 di mart 2015 representantenan di gobièrnu i komishon Nòmbernan di Kaya huntu ku Richard Hooi, un luchadó inkansabel pa e kousa pa duna rekonosementu na e akto heroiko di defuntu “Chano” Margaretha  pa nombra un kaya na su nòmber.

Minister Irene Dick komo un gran papiamentista a komprondé e nifikashon profundo di e hazaña di Sr. Modesto Apostel

“Chano “ Margaretha i a tuma e desishon pa proklamá dia 8 di febrüari komo Dia Nashonal di nos Lenga Materno Papiamentu i e periodo entre 8 i 21 di febrüari (Dia Internashonal di Idioma Materno) pa pone atenshon na i alsa nos Lenga Materno.

Despues di 57 aña, 7 mei 2015 ta nombra Kaya Rooi Santu,

Kaya Modesto A. “Chano” Margaretha Libertadó di Papiamentu

 

 

Advertisements
error: Content is protected !!
%d bloggers like this: