Advertisements

Karta di Parlamentario Curtley Obispo na Minister di Gobernashon, Planifikashon i Servisio ku topiko: “Bureau Integriteit”, status di plan di akshon 2019

Karta di Parlamentario Curtley Obispo na Minister di Gobernashon, Planifikashon i Servisio ku topiko: “Bureau Integriteit”, status di plan di akshon 2019

 

Minister di Gobernashon, Planifikashon i Servisio  

Señor Drs. Armin Konket

Plasa Horacio Hoyer # 9

 

Djabièrnè, 8 febrüari 2019

 

Tópiko: “Bureau Integriteit”, status di plan di akshon 2019

 

Apresiabel señor Minister Armin Konket,

 

E Akuerdo di Gobernashon 2017-2021 “Realisando e Máksimo potensial di Kòrsou” ta indiká ku mester fortifiká e órganonan di kontròl i kombatí korupshon, Tambe lanta un unidat kontra korupshon, un instansia independiente responsabel pa prevení /investigá korupshon i tambe por hasi investigashon riba petishon di tur organisashon i/òf tur persona konserniente.

Minister a indiká por eskrito den e karta di 5 desèmber 2018 numerá 2018/ 054655  kual ta e plan di akshon 2019 “Bureau Integriteit” kual ta konsistí di entre otro di: (1) un konsepto di lei, e “Ontwerp Landsverordening Bureau Integriteit”, (2) rekluta un direktor den fase di preparashon i (3) un plan di formashon i presupuesto.

A base di mi plan di trabou di kontròl parlamentario mi ta aserká señor minister ku e siguiente preguntanan, hasiendo uso di mi derecho komo parlamentario pa hasi pregunta konforme artíkulo  96 di Reglamentu di Órden di Parlamento di Kòrsou: (1) Raad van Advies a risibí dia 9 novèmber 2018 e “Ontwerp Landsverordening Bureau Integriteit”. Raad van Advies a retorná esaki bek dia 21 novèmber 2018.  Aki mi ta referí na athuntu 1. Preguntanan na Minister: (a) Dikon Raad van Advies a retorná esaki? Kiko tabata e motibunan? Kua ta e planifikashon pa Parlamento di Kòrsou risibí e “Ontwerp Landsverordening Bureau Integriteit” pa tratamentu den aña 2019?. (2) Kiko ta e status pa loke ta rekluta un direktor den e fase di preparashon di Bureau Integriteit? I (3) Kiko ta e status pa loke ta e plan di formashon i e presupuesto 2019 di Bureau Integriteit?

Atentamente,Curtley Obispo

Parlamentario pa Kòrsou

PAR

Athuntu 1: Statusoverzicht di Raad van Advies di dia 8 febrüari 2018

 

Advertisements
error: Content is protected !!
%d bloggers like this: