Advertisements

KOMUNIKADO DI KUERPO POLISIAL KÒRSOU Kaso di atrako ku detenshon.

KOMUNIKADO DI KUERPO POLISIAL KÒRSOU

055 / 2019

6 febrüari 2019

Kaso di atrako ku detenshon.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djárason 6 di febrüari 2019 alrededor di 10.57 or, Sentral di Polis a risibí notifikashon di un kaso di atrako ku a tuma lugá na un kas den área di Daniel.
Dos dama ku tabata riba tereno di un kas a wordu atraká dor di dos hòmber sospechoso ku a ranka nan tas for di nan, drenta un vehíkulo i bai for di e sitio. E víktimanan a persiguí e sospechosonan i den Kaya Bloustenchi e sospechosonan a baha bai laga e vehíkulo atras.
Un unidat polisial ku tabata den e área a yega Kaya Bloustenchi i despues di un investigashon alrededor di 12 or di merdia a detené un di sospechosonan e hòmber A.E. nasé na Kòrsou di 21 aña di edat.
Kontinuando ku e investigashon alrededor di 16.05 or polis a detené na Warda di Reshèrshi e otro sospechoso, e hòmber J.A.S. nasé na Kòrsou di 23 aña di edat.
A presentá ámbos sospechoso dilanti di un Fiskal Ouksiliar, ku a ordená nan enkarselamentu pendiente di mas investigashon.

 

Advertisements
error: Content is protected !!
%d bloggers like this: