Advertisements

Sr. De Jong ta bèk komo Direktor di Outoridat di Aviashon Sivil

Entrante 1 di febrüari 2019:

Sr. De Jong ta bèk komo Direktor di Outoridat di Aviashon Sivil

 

Willemstad – Entrante 1 di febrüari 2019, Sr. Hans de Jong ta fungí komo Direktor di Outoridat di Aviashon Sivil di Kòrsou (CCAA) bèk. E ta asistí e organisashon den e preparashonnan pa pasa e oudit di International Civil Aviation Authority (ICAO) di e aña aki na sèptèmber. Tambe e lo traha pa hiba Kòrsou bèk na kategoria 1, konforme e standartnan di Federal Aviation Administration (FAA) di Merka.

Despues ku na òktober 2018, pa motibunan personal, Sr. De Jong a bandoná e organisashon, ela mustra disponibilidat pa keda sostené kaminda ta nesesario. Mirando e tempu kòrtiku pa por a buska un otro persona, i tambe konsiderando ku un persona nobo lo mester kuminsa bèk for di komienso, a optá pa pidi Sr. De Jong pa e regresá i kontinuá ku e trayekto ku ya ela kuminsá den e organisashon. 

Di e forma aki, Minister Jesus-Leito ta spera di por kumpli ku tur loke ta nesesario pa pasa e oudit ku éksito i logra kategoria 1.

 

Advertisements
error: Content is protected !!
%d bloggers like this: