Advertisements

Renaissance Curaçao Resort a rekonosé empleadonan ku a sobresali den aña 2018

Renaissance Curaçao Resort a rekonosé empleadonan ku a sobresali den aña 2018

 

Willemstad –FEB–  Durante di henter aña Renaissance Curaçao Resort & Casino ta rekonosé koleganan ku a sobresali den un respektivo kuartal, asina a sosodé tambe na luna di yanüari último. E selebrashon tabata dòbel ya ku a rekonosé tur esnan ku a sobresali den e di 4 kuartal, i tambe esnan ku a bira empleado di aña 2018.  Renaissance Curaçao Resort & Casino e aña aki ta selebrando su 10 aniversario i sr. Angelo Martes, komo direktor di Rekurso Humano ta kontentu di tuma nota di e kresementu profeshonal di kada empleado. “Nos tin empleadonan ku tin 10 aña huntu ku nos i esaki ta un satisfakshon grandi. Ta notabel kuantu empeño empleadonan ta hasi pa kualifiká pa bira empleado sobresaliente, esaki ta reflehá grandemente den nos servisio i ta na su lugá pa yama nan tur danki pa nan dedikashon di tur dia.”

Un pabien na e tim sobresaliente den e di 4 kuartal di 2018 ku ta Chahaira Sambo- Manager Casino, Isoline Philips-  Supervisor Front of the House Casino, Paulina Flanders- Employee Front of the House Casino, Sonaida Mattheeuw- Employee Heart of the House Casino,  Damaris Bautisma- Manager Hotel, Faysal Sintiago- Supervisor Heart of the House, Gilberto Minguel – Supervisor Front of the House, Germain Jean Pierre- Employee Heart of the House i  Diviana de Leeuw – Employee Front of the House. E tim di aña 2018 a resultá Jessica Adoptie- Employee of the Year Hotel, Faysal Sintiago- Supervisor of the Year Hotel, Gina Maduro- Manager of the Year Hotel,  Paulina Flanders- Employee of the Year Casino, Mirelly Martina- Supervisor of the Year Casino i Marlon Ollivierre- Manager of the Year Casino.

Gerensia, Staff i Personal di Renaissance Curaçao Resort & Casino komo parti di Wind Creek Hospitality ta felisitá tur kolega ku a sobresali den e di kuater kuartal di 2018  i tambe esnan ku a bira Employee Of The Year. Riba fotonan athunto esnan ku a selebrá nan 5 i 10 aña na Renaissance Curaçao Resort & Casino huntu ku esnan ku a sobresali den e di kuater kuartal di 2018  i bira empleado di aña. Masha Pabien!

 

Advertisements
error: Content is protected !!
%d bloggers like this: