Advertisements

Nos Marcha Hubenil tin su embahadornan pa Karnaval 2019

Nos Marcha Hubenil tin su embahadornan pa Karnaval 2019

Den un Foodcourt di Sambil yena ku fanátiko i públiko ku a bin apoyá òf djis disfrutá di e show di awe tardi grátis, Elekshon Reina, Prens i Pancho Hubenil 2019.

Nos por a gosa di 7 prinsesa i 3 Duo Prens i Pancho, ku a trese un bunita show na nivel yena ku dulsura ku nos muchanan so por trese.

E siguiente premionan a wòrdu repartí entre nos Reina nan: Reina Simpatia i Reina Trahe Mas Kreativo Hubenil 2019 a bai pa Rishona Rosaria. Reina Popular i Reina Hubenil Talento a bai pa Kydionna Polonius, Trahe Mas Impaktante Hubenil a resultá Dianthely Pourier.

Di dos finalista a bai pa Euchena Hamen, promé finalista, Dianthely Pourier i komo Reina Hubenil Karnaval 2019 a resultá Kydionna Polonius.

Prens i Pancho Hubenil 2019 a repartí e premionan:  Duo Amistoso, Nedion Sluis i Reywentley Koeiman, Duo Mas

Popular, Duo Talento i Duo Trahe Mas Impaktante a bai pa Haydrion Hooi i Angel Gomez. Trahe Mas Kreativo a resultá Jurnick Polonius i Giendrick Martina.

Di dos finalista a bai pa Nedion Sluis i Reywentley Koeiman, promé finalista, Jurnick Polonius i Giendrick Martina i komo Duo Prens i Pancho Hubenil 2019, Haydrion Hooi i Angel Gomez.

Pabien i disfrutá di boso temporada di Karnaval Hubenil 2019.

 

 

 

 

Advertisements
error: Content is protected !!
%d bloggers like this: