Advertisements

Renaissance Curaçao Resort & Casino ta selebrá 10 aniversario

For di su apertura na 2009 un atkisishon importante pa Kòrsou:

Renaissance Curaçao Resort & Casino ta selebrá 10 aniversario

 

WILLEMSTAD – Awe, dia promé di febrüari ta eksaktamente 10 aña pasá ku Renaissance Curaçao Resort & Casino a habri su portanan na Kòrsou. For di su apertura te ku awor e hotèl a resultá den un atkisishon importante pa nos isla, kreando mas di 500 kupo di trabou pa e yu di Kòrsou i aportando grandemente na kresementu di nos industria turístiko. For di inisio Renaissance Curaçao Resort & Casino a kere den Korsou i den e potensial di e yu di Kòrsou. Sra. Maylin Trenidad, General Manager di e resort ta splika ku Renaissance Curaçao Resort & Casino awendia ta forma parti di e komunidat di Kòrsou na diferente manera. Komo hotèl, atrayendo sentenáres di turista mensualmente i aportando na turismo di Kòrsou diariamente dor di ofresé huéspetnan un eksperensia inolvidabel. Tambe, Renaissance Curaçao Resort & Casino ta tuma su ròl komo siudadano korporativo den nos komunidat masha na serio i ta duna un man na diferente organisashon. “Éksito di Renaissance Curaçao Resort & Casino ta danki na su empleadonan i naturalmente tur huéspet lokal i internashonal. Nos ta gradisí tur nos partnernan den sektor privá i industria turístiko ku a bin ta demostrá nan konfiansa kontinuo durante di e último 10 añanan.”  

 

Dedikashon na Ekselensia

Renaissance Curaçao Resort & Casino ta konsiderá su aktiva humano nan forsa di mas grandi. sra.  Maylin Trenidad a sigui bisa ku sin empleado dediká i pashoná ku nan trabou ta imposibel pa yega un logro asina importante, manera esun di selebrá 10 aña! Den transkurso di e añanan Renaissance Curaçao Resort & Casino a keda rekonosé dor di diferente organisashon turístiko internashonal pa nan servisio. Asina por menshoná  ku nan a risibí e ‘Customer Excellence Award di TripAdvisor’ na algun okashon, e ‘Top 25th trendiest hotels in the Caribbean Award’, i tambe un rekonosementu komo un AAA 4- Diamond Resort. Otro logro importante ta e ‘Bravo Badge’ di TripAdvisor i e ‘Award of Exellence’ di Bookings.com ámbos ta rekonosé ekselensia den servisio i asina por menshoná mas. “Masha danki na tur empleado di Renaissance Curaçao Resort & Casino pa nan dedikashon kontinuo pa mantené nos servisio ekselente i ofresé kada huéspet un estadia úniko”.  

 

Tarifa di selebrashon 10 aniversario

Pa selebrá 10 aña di Renaissance Curaçao Resort & Casino tin un tarifa di aniversario pa tur ku ta biba na Kòrsou i islanan bisiña (Aruba, Boneiru, St. Maarten i islanan BES).  For di promé di febrüari pa 15 di desèmber 2019, e tarifa lo ta $110 pa kamber, pa anochi ekskluyendo impuesto, pero inkluyendo desayuno pa 2 persona. Estadia di mínimo 2 anochi i únikamente bálido di djabièrnè pa djadumingu. Na momentu di hasi reservashon mester presentá un ID balido. Tin un kantidat limitá di kamber reservá spesialmente pa e promoshon aki. Tuma nota, pa probechá di e tarifa spesial aki mester reservá entre dia 1 di febrüari i dia 28 di Febrüari 2019.  Pa reservashon por yama 435.5000 of email reservations@curacaorenaissance.com

 

 

Advertisements
error: Content is protected !!
%d bloggers like this: