Advertisements

Promé Minister Rhuggenaath na Aruba pa reunion tripartit

Promé Minister Rhuggenaath na Aruba pa reunion tripartit

 

Willemstad- Promé Minister Rhuggenaath na Aruba den kuadro di reunion tripartit ku Promé Ministernan di Aruba i St. Maarten

Djaweps 31 di yanüari Promé Minister Rhuggenaath lo ta na Aruba pa topa ku Promé Minister Evelyn Wever-Croes di Aruba i Promé Minister Leona Marlin-Romeo di St. Maarten. Meta di e tripartit ta pa dialogá i interkambiá riba tópikonan di interes i áreanan di koperashon. Tópikonan ku lo bini na remarke den e tripartit na Aruba ta entre otro maneho di integridat, maneho finansiero i maneho pa asuntunan di eksterior, entre otro e situashon na pais bisiña Venezuela. Ademas e paisnan ta den deliberashon pa formalisá pa medio di un convenant e reunionnan i kolaborashon tripartit entre Aruba, St. Maarten i Kòrsou.

Pa e okashon aki Minister di Finansas, sr. Kenneth Gijsbertha, a biaha tambe ku Promé Minister Rhuggenaath pa reuní ku e Ministernan di Finansas di Aruba i St. Maarten.

Ya ta di tres reunion tripartit ku ta tuma lugá entre e Promé Ministernan di e 3 paisnan den Reino. E promé a tuma lugá na Kòrsou na aprel 2018. E último tripartit a tumá lugá na St. Maarten na òktober 2018, durante kua maneho di kalamidat tabata sentral i kaminda a fiha fecha pa topa awor na fin di yanüari di 2019 atrobe na Aruba.

 

Advertisements
error: Content is protected !!
%d bloggers like this: