Advertisements

KOMUNIKADO DI KUERPO POLISIAL KÒRSOU Tepnan di prevenshon i seguridat durante trafikashon riba kaya.

KOMUNIKADO DI KUERPO POLISIAL KÒRSOU

041 / 2019

28 yanüari 2019

Tepnan di prevenshon i seguridat durante trafikashon riba kaya.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Promé ku sali
 Sòru pa bo tin un selular ku bo por usa durante di emergensia.
 Paga tinu ora bo ta kana riba personanan ku ta sigui bo riba distansia kòrtiku.
 Si bo nota presensia di tiponan sospechoso asina, no kana bai dirèkt na bo outo pero dal un buèlta promé ku yega bo outo i bai den área kaminda tin mas hende ta frekuentá.
 Habri e vehíkulo (si ta posibel) ku un ‘remote control’ i lòk e porta dirèkt mané bo drenta den e vehíkulo.
 Si bo wòrdu aserká pa personanan sospechoso òf ku mal intenshon, kuminsá pita. Esaki ta hala atenshon.
Durante ku bo ta kore
 Kontrolá i opservá tur kos den serkania di bo vehíkulo.
 Prevení orarionan i ruta fiho. Varia bo oranan di sali i e ruta mas tantu ku ta posibel.
 Pèrkurá pa ora bo ta pará den tráfiko, tene distansia for di e outo bo dilanti, pa den kaso di eventual kalamidat bo por kore bai.
 Kontrolá e besindario promé ku yega na bo sitio di destinashon pa eventual persiguidó.
Si bo haña impreshon ku tin persona ta pèrsigui bo, no kore bai bo destinashon pero dal buèlta èkstra. Pero si apesar ku bo a dal e buèlta nan keda pèrsigui bo, kore bai na un sitio safe manera por ehèmpel warda di polis.
 Durante ku bo ta kore yama polis òf e number di urgensia 911 i duna bo posishon. Nan lo konsehá bo kiko pa hasi.
 Purba durante ku bo ta kore, di kompilá mas tantu informashon posibel di e vehíkulo ku ta pèrsigui bo manera: ki tipo di vehíkulo, marka, koló, number di outo, karakterístikanan di e vehíkulo i kantidat di okupante.
Departamentu di Komunikashon i Prevenshon
Página 2
SIRBI I PROTEHÁ
 Ora bo ta kore den sentro di siudat i riba velosidat demasiado abou, kore semper ku bo portanan di outo na lòk i bentananan será.
Na momentu di stashoná i baha for di vehíkulo
 Kontrolá e besindario si bo ta mira personanan straño i/òf vehíkulonan i iregularidatnan.
 Stashoná bo vehíkulo semper na un lugá safe i na bista i si ta den oranan di anochi bou di bon lus.
 No habri porta di bo vehíkulo mesora pero sondia bon e besindario i ta alerta.
No resistí si bo bira víktima.
Outo, bo pertinensianan, ounke kuantu balor nan tin, no tin mas balor ku bo bida.

 

Advertisements
error: Content is protected !!
%d bloggers like this: