Advertisements

Pronóstiko di tempu pa Kòrsou i bisindario bálido te djaluna mainta 6:00 o.l,  21 di yanüari 2019.

Pronóstiko

Pronóstiko di tempu pa Kòrsou i bisindario bálido te djaluna mainta 6:00 o.l,  21 di yanüari 2019.
Kompilá: 
djadumingu 20 di yanüari 2019, 05:00 o.l. (09:00 UTC).

Tempu: Por lo general parsialmente nublá i un wer prinsipalmente seku.

Temperatura máksimo lo alkansá 30 ºC i temperatura mínimo 25 ºC.
Solo ta sali 07:01 i ta baha 18:32 o.l.

Bientu: For di un direkshon generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Prinsipalmente den dia, ráfaga te fuerte; forsa 6 (40 te 50 km/ora, 22 te 27 nudo).

Situashon general: E preshon haltu riba Atlántiko ta ekstendé den Laman Karibe miéntras e ta sigui sostené un patronchi di bientu moderá te basta fuerte den nos área. E mes un sistema aki tambe ta tene e ambiente atmosfériko basta stabil riba e parti oriental di Karibe, di manera ku un tempu sin muchu aktividat lo kontinuá pa sobra di e fin di siman i tambe djaluna.

Kondishon di laman: Generalmente moderá ku altura di olanan entre di 1 i 2 meter (3 te 6 pia).

Fenómeno spesial: Entre di awe nochi lat (20 di yanüari) i djaluna mardugá riba Kòrsou, por mira un eklipse total di luna. Na Kòrsou e fase parsial di e eklipse aki ta kuminsá 27 minüt pa 12 di anochi. E fase total ta kuminsá 19 minüt pa un di djaluna mardugá i na e momentu ei hinter e luna lo ta kasi sukú. E parti kulminante di e eklipse ta tuma lugá 01:12’or di mardugá i e fase total ta terminá 17 minüt pa dos di mardugá. Despues di e fase total ta sigui e di dos parti di e fase parsial i despues di 10 pa tres di mardugá e luna lo ta kasi kompletamente iluminá dor di solo atrobe. Pa informashon mas detayá riba e fenómeno aki, por fabor bishitá nos página di Facebook.

Perspektiva te djamars mainta: Parsialmente te hopi nublá i un bon chèns pa algu di áwaseru pasahero.

Meteorólogo: Coffie

.

.

.

Advertisements
error: Content is protected !!
%d bloggers like this: