Advertisements

Kòrsou su hende muhé i hóben representá na Nashonnan Uní

Kòrsou su hende muhé i hóben representá na Nashonnan Uní

 

Hasiendo uso di e Plataforma di IPKO, ta palabrá ku lo pone di forma mas enfátiko atenshon na e retonan di e hende muhé i hóbennan di Kòrsou na Nashonnan Uní.

Anualmente e representantenan di Hende Muhé i Hóben di Reino ta duna un diskurso na Nashonnan Uní. Ademas di duna informashon, ku e diskurso aki ta pidi atenshon i  koperashon riba plataforma mundial pa e retonan di e hende muhé i hóben den Reino.

Durante e último IPKO na St. Maarten, tur 4 delegashon a mira e importansia pa e retonan di e hende muhé i hóben di Kòrsou, Aruba i St. Maarten tambe wòrdu trese dilanti den e diskurso. Riba proposishon di delegashon di Kòrsou esaki a keda palabrá i inkorporá den e lista di palabrashon.

Esaki ta duna oportunidat pa e retonan di e hende muhé i hóben di Kòrsou tambe haña su espasio den e diskurso riba e plataforma mundial aki. Ta konosí ku sifranan ta indiká ku un di e gruponan di riesgo pa ta den pobresa ta e hende muhé ku mucha. Den kuadro di esaki sra. Pauletta a tuma kontakto ku representante di hende muhé pa aña 2019 sra. Clarice Gargard, pa asina por traha riba laso di kolaborashon i ademas proveé e kontakto di organisashon lokal ku ta hasi trabou riba e área di hende muhé i mucha.  

Esaki sigur ta un di e palabrashon positivo i konkreto di e plataforma di kolaborashon, konformá pa delegashonnan di e 4 Parlamentonan di Reino. Muestra di e kolaborashon nesesario pa logra metanan komun.

Ana Maria Pauletta

Advertisements
error: Content is protected !!
%d bloggers like this: