Advertisements

Problema di bario ta okashoná morto di kriatura 2 aña

Sint Maarten: Un problema di bisiñanan ta okashoná morto di un mucha hòmber di 2 aña
Djadumingu mainta, alrededor di 10.30 e bario St. Peters a keda sakudí pa e morto tragiko di un mucha hòmber di 2 aña, ku lo a kumpli 3 aña e siguiente dia.
Un problema entre un grupo di hoben a kondusí na un situashon kaminda un grupo a trata na agredí un miembro di e otro grupo ku un vehikulo. Un hoben a logra bula un muraya i a raspa su kurpa i heridá su pia durante di e akshon aki. E mucha di 2 aña tabata hunga kantu di kaminda na momentu ku e vehikulo a alkansá e si. E mucha a fayesé mesora, a konsekuensia di e heridanan ku el a risibí.
Segun testigunan, na momentu ku e vehikulo a faya den e intento pa dal e hoben ku a bula muraya, shofer di e vehikulo a bèk i bolbe bai dilanti un biaha mas. Ta na e momentu aki, e vehikulo a alkansá e kriatura di 2 aña. E kriatura ta yu di un di e hobennan. Su mama tabata na trabou na momentu di e insidente. Despues di e insidente testigunan a mira e hobennan bandoná e vehikulo, un di nan tabata tin un bate den su man.
Sigur 3 ambulans a akudí na e sitio pa transportá 2 di e hobennan ku a resultá heridá, mientras un waha di morto a akudí pa transportá kurpa sin bida di e kriatura.
Varios agente polisial a presentá na e sitio, inkluso hefe di kuerpo polisial i reshèrshinan pa investigá e kaso aki. Pas na alma di e kriatura.
Advertisements
error: Content is protected !!
%d bloggers like this: