Advertisements

Parlamentario sra. Elsa Rozendal Awe ta hasi presis un siman ku e famoso i tradishonal #Fuikdag a tuma lugá.

Parlamentario sra. Elsa Rozendal

Awe ta hasi presis un siman ku e famoso i tradishonal #Fuikdag a tuma lugá.

Mi a sigui tur e desaroyonan, komentarionan, – i si tambe videonan-, ku tabata sirkulá riba retnan sosial.
Esakinan a krea masha sensashon serka tantu hende hòmber komo hende muhé.

Sin ke husga, pero di forma realístiko, mi por konkluí ku tin un falta di #balorpropio masha profundo serka nos hendenan en kuestion. Mi no por konkluí otro.

Komo hende muhé, edukador i representante di pueblo, na promé lugá, mi ke konsientisá tur nos hendenan pero tambe tur hóben pa no lubidá ku awendia ku teknologia, imagennan ta keda plamá i ku NUNKA mas por eliminá. Imagennan ku lo persiguibo pa semper. Un dia bo por ta mama òf tata i bo yunan por keda konfrontá ku e imagennan aki i keda tentá na skol. Òf un futuro dunadó di trabou tambe a wak nan.

Mi ke konsehá tur nos hendenan pa stima nan mes promé ku tur hende i tur kos. Bo ta un kreashon di Dios, bunita i uniko i abo mes ta determiná bo balor. 5 minüt di “plaser” por bira un desgrasia pa semper. Kòrda esaki!

Ban yuda konsientisá nos hendenan i en espesial nos hóbennan riba amor i balor propio. Esaki sigur lo kontribuí na un outoestima mas haltu i un bon imagen propio.

#MPElsaRozendal

Advertisements
error: Content is protected !!
%d bloggers like this: