Advertisements

Parlamentario Rennox Calmes Komo politiko ami no tin miedu di splika mi punto di bista. FUIKDAG TA BON BON! Ta depende for di kua angulo abo ke, por i ta mire.

Parlamentario Rennox Calmes

Komo politiko ami no tin miedu di splika mi punto di bista.

FUIKDAG TA BON BON!
Ta depende for di kua angulo abo ke, por i ta mire.

1. Tin miles di hende ku si a komporta bon i disfruta buta ambiente na un manera desente. E video nan ku ta bai ront ta hopi tiki kompara ku e hendenan ku si a komporta bon. Pa kolmo riba e video nan mi no a mira nada ku mi NO a mira for 11 aña pasa na fuikdag. Riba FB mi a mira hopi potret bunita di nos dama nan lokal ku bunita “pose” i bunita figura ku no tbt bulgar. TA ABO KE SHARE KOS NEGATIVO.
2. Dor di e regla nan ku kada aña ta wordu hasí mas skerpi dor di outoridat nan, tbtin menos aksidente. Pues yu di Korsou ta kumpliendo ku e reglanan.
3. Ekonomia a drai. Gasolin pa boto, kos di kome i bebe, transporte, hotel, zwempak, wave, wax, uña, zwembroek, pela, brel, pechi etc. etc.
4. Turismo. Hopi turista di hulanda, aruba, boneiru, venezuela i awor surnam i brazil tambe a bin spesialmente pa fuikdag. Si, e ta birando mas grandi.
5. Pa ami CTB mester propaganda e evento aki kombina pa bin pasa kambio di aña na Korsou. Esnan ku tabata riba kaya den desember por a tuma nota ku nos ekonomia a drai riba hopi turista hoben. Sigur nos night life. Buelonan direkto for di Surname i Brazil tin nan efekto. Di un otro manera hoben nan di paisnan ariba menshona ta gusta e vibe di desember na korsou. Tin bia nos mes no sa ki nos tin di ofrese.
6. Pa ami e vlot/stage mester bin bek pa artistanan presenta. Debi ku no tin entertainment, hende nan ta forma nan propio entertainment pero awor ta graba nan.
7. Karnaval ta riba tera i fuikdag ta riba laman. Na ambos tin outoridat, brandweer, ehbo, multitut grandi ku ta komporta BON i grupo chiki ta komporta MALU. Na ambos e grupo chiki ta haña mas atenshon den media sosial. Karnaval tin vergunninghouder pero fuikdag NO tin vergunninghouder. Na ambos openbare orde ta na vigor.
8. Na ambos algun persona ta baila, otro ta bula, otro ta meña i otro ta baila sintura sea pará of di bùk. Tur esaki riba ritmo di musika.
9. Media sosial ta parti di nos bida awor. Ta abo mes ta responsabel pa bo komportashon i su konsekuensia nan. Ya, ta bo mes falta. STOP DI SHARE KOS NEGATIVO.
10. Fuikdag tei pa keda. Ban wak kua benefisio mas Korsou por saka for di dje. FUIKDAG TA BON BON!

Advertisements
error: Content is protected !!
%d bloggers like this: