KOMUNIKADO DI KUERPO POLISIAL KORSOU Alerta pa kasonan di atrako.

KOMUNIKADO DI KUERPO POLISIAL KORSOU

017/ 2019

12 yanüari 2019

Alerta pa kasonan di atrako.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Sin ke trese pániko den nos komunidat, Kuerpo Polisial ke alertá komunidat pa kasonan di atrako ku último simannan a oumentá.
Ta trata aki di atrakonan tantu den kas, den establesimentu, pero tambe riba kaya.
E atrakonan aki ta tumando lugá den diferente bario riba praktikamente henter e isla i esaki ta duna indikashon ku no ta un grupo spesífiko ta okupando nan mes ku tiramentu di atrako.
Tambe ta notabel ku no ta solamente siudadanonan so ta bira víktima, pero tambe
estranheronan.
Próksimamente polis lo bolbe bai saka komunikadonan den kua tin medidanan balioso, ku komunidat por apliká, pa asina ei di forma preventivo evitá atrako mas tantu posibel.
No opstante ku polis ta hasiendo tur su esfuerso pa pone man riba esnan responsabel pa e krímennan aki, nos tin mester di yudansa di komunidat den esaki.
Ainda nos ta nota ku, maske ningun hende tin e derecho pa atraká un otro, hopi víktima no ta konsiente ku nan mester ta mas alerta.
Te ainda hopi hende ku ta keda sorprendé pa un atrako, ta sea pa deskuido òf negligensia, ku si nan tabata mas atento, e por a keda evitá òf frustrá.
Na momentu ku bo nota vehíkulonan òf personanan sospechoso den bo bisindario, tuma bon nota di nan i no duda pa yama polis.
Ta huntu ku polis bo tambe por sòru pa òrdu bek den bo pais.

 

error: Content is protected !!