Advertisements

Trabounan di mantenshon di Gorsiraweg ta kontinuá

Trabounan di mantenshon di Gorsiraweg ta kontinuá



Willemstad – Pa mehorá e estado di Gorsiraweg, Servisio pa Obra Públiko (OW) ta sigui drecha partinan di e kaminda. Di e forma aki, outomobilistanan por kore riba un karetera ku ta den un mihó estado ku esun aktual.

Trabounan a kuminsá bek dia 9 di yanüari i ta plania pa terminá na final di yanüari 2019. E trabounan ta bou di enkargo di kontratista MNO Vervat.

OW ta traha huntu ku Departamentu di tráfiko di Kuerpo Polisial (KPC) pa yega na rutanan alternativo. Tambe ta sòru pa habitantenan i komersiantenan keda ku akseso na nan kas òf negoshi.

OW i KPC ta pidi tur outomobilista pa sigui e indikashonnan i kore ku koutela.
OW ta gradisí komunidat adelantá pa e pasenshi i koperashon. Pa pregunta por yama òf whats app na 511-8582 òf bishita e página di facebook di Ministerio di Trafiko, Transporte i Planifikashon Urbano.

 

Advertisements
error: Content is protected !!
%d bloggers like this: