Advertisements

Carifta Junior Chess 2019 na Kòrsou

Carifta Junior Chess 2019 na Kòrsou

Kòrsou ta anfitrión dje di 8 edishon di Carifta Junior Chess Championships 2019. E kampionato aki ta tuma lugá di 18 pa 23 di aprel próksimo i ta konta ku partisipashon di ahedresistanan di diferente isla den Karibe.

E kompetensia di ahedres hubenil di Karibe ta keda organisá pa Federashon Ahedres Kòrsou (Fedako) i ta kai bou di ouspisio dje Confederation of Chess for the Americas (CCA) ku ta kai bou dje federashon mundial di ahedres FIDE.

CCA dos aña pasá, esta na 2017, a disidí otorgá organisashon dje di 8 edishon di Carifta Junior Chess Championships 2019, na Kòrsou. Fedako ta enkargá pa organisá e kampionato aki, ku na 2018 a tuma lugá na Paramaribo, Surnam.

Ta promé biaha ku Kòrsou ta fungi komo anfitrión di Carifta Junior Chess Championships. E promé kampionato a tuma lugá na 2012 na Trinidad & Tobago. Despues tabatin edishonnan na Jamaica (2013), Martinique (2014), Barbados (2015), US Virgin Islands (2016), atrobe Jamaica (2017) i pues Surnam aña pasá.

Fedako ta spera un kantidat respetá di ahedresista di diferente isla di ta bin kompetí na Kòrsou. Aña pasá na Surnam e kompetensia a konta ku partisipashon di 8 miembro di Carifta i pues Fedako ke surpasá e kandidat aki. E invitashonnan a sali hopi trempan i ya kaba diferente federashon a konfirmá nan partisipashon.

Mas informashon ta sigui den e próksimo dia i simannan.

 

Advertisements
error: Content is protected !!
%d bloggers like this: