Advertisements

Dos Santos un biaha mas riba mishon di mentira. Gerensia di Fundashon Hospital Nobo, bou di presidensia di prof.dr.Bob Pinedo, no a kobra ni un sèn pretu!

Dos Santos un biaha mas riba mishon di mentira.

Gerensia di Fundashon Hospital Nobo, bou di presidensia di prof.dr.Bob Pinedo, no a kobra ni un sèn pretu!

 Willemstad, 9 yanüari 2019

Ku asombro Partido Inovashon Nashonal (PIN) a tuma nota di akusashonnan maligno di Amparo Dos Santos den direkshon di nos líder polítiko Suzy Römer. 

Na aña 2008, Gobièrnu di Kòrsou, a traves di diputado Humprey Davelaar (PNP) a aserká profesor dr. Bob Pinedo, ku e petishon pa desaroyá un hospital nobo pa Kòrsou. Prof. Pinedo na su turno a aserká un kolega profesor di dje, prof. dr. Geert Blijham, ku meskos ku ne, tin eksperensia ku desaroyo di hospital i ademas komo direktor di hospital. Tambe e la aserká tres yu di tera, prof. Mr. Jaime Saleh, èks gobernador i èks presidente di Korte Komun di Antia, i dos èks premier di Antia, Mr. Etienne Ys i sra. Mr. Suzy Römer, basa riba nan konosementu i eksperensia, pa kaba di forma su tim. E tim aki, komo gerente di e Fundashon Hospital Nobo (FHN), a traha mas ku un aña inkansabel i sin kobra un sèn pretu pa a desaroyá un hospital nobo i moderno pa Kòrsou! E intenshon tabata un hospital segun “modelo Deventer” banda di Universidat di Kòrsou (UoC) i e Instituto pa Formashon den Enfermeria (IFE) kreando asina un sentro pa formashon professional den e área mediko.

Manera e gobièrnu nobo di Kòrsou a sinta, premier Schotte i minister di finansas Jorge Jamaloodin, a kore ku dr. Bob Pinedo i su tim na mal òrdu, alegando ku nan no ta kere den e proyekto bou di e eminensia yui di Kòrsou, internashonalmente rekonosé. Un hospital ku por sierto lo a bin kla for di 2015! Gobièrnu Schotte a nòmbra un”Taskforce”, esta un tim nobo bou di presidensia di dr. Yves Schoop, ku a start ku e proyekto Nos Hospital Nobo (NHN).

Prof. Pinedo i su tim a entregá tur dokumento i trabou hasí na gabinete Schotte, inklusive kuenta anual di e proyekto. A disolvé e Fundashon Hospital Nobo (FHN) korektamente bou di curatornan independiente ku a kontrolá tur gastu i dokumento. Ademas dr. Pinedo i su tim a hasi traspaso personalmente na e tim di dr. Schoop, ku a ekspresá ku ta lamentabel ku polítika a eksluí dr.Pinedo i su tim. Na 2013 ora dr. Whiteman a bira minister, dr. Schoop a entregá su enkargo bèk.

Na aña 2013 Gabinete Asjes, a disidí di kita for di e plannan di Nos Hospital Nobo (NHN) na tereno di Amstel i start ku Hospital Nobo Otro Banda (HNO) bou di direktiva di SONA.

 

Advertisements
error: Content is protected !!
%d bloggers like this: