SQUAT ku struktura nobo den 2019

SQUAT ku struktura nobo den 2019

 

Super Qualified Unit-Assisting Trainers ta un grupo di 10 boluntario i alabes sòftbòlistanan di nivel ku tin komo meta pa asistí den desaroyo di nos hubentud ku ta praktiká e deporte di sòftbòl di tal forma ku por halsa e nivel general di e deporte.

E aña aki e proyekto lo ta den un forma piloto, kaminda simultáneamente lo duna klínika tur djasabra mainta na dos diferente tereno.

Fecha i orario: Tur djasabra mainta di 9.00 pa 12.00

Tereno Semikok pa esnan di pariba

Tereno Heintje Kool pa esnan di pabou

E proyekto lo ranka sali djasabra awor 12 di yanüari 2019 ku énfasis riba e hobensitanan di divishon Minor  (edat 9-10) i Little(edat 11-12). Durashon di e proyekto ta mará na komienso di kampionato di Little League sòftbòl.

SQUAT no ta un team, pues ta konsehá mayornan pa inskribí e hobensita den un team afiliá na Little League Softball pa asina e por saka más benefisio.

Tur demas komunikado lo ser hasí via di kada team, pues pa más informashon òf pa keda informá di kualke kambio, fabor di tuma kontakto ku bo Coach di team.

Sra. Isonette Polonius

Kordinadora di SQUAT

error: Content is protected !!