Advertisements

Refineria Isla ta pone dos planta bèk den produkshon

Refineria Isla ta pone dos planta bèk den produkshon

Willemstad – Despues di tabata pará pa un bon parti di 2018, e siman aki Refineria Isla lo kuminsá pone dos planta bèk den produkshon.

Spesifikamente lo pone e planta CD-2A (Crude Distiller) i siguidamente e planta TC-1A (Thermal Cracker) den produkshon. Ambos planta ta produsí nafta, gasoil i fueloil.

E proseso pa pone e plantanan bèk den produkshon stabil lo dura algun dia. Esaki ta mas largu ku normal debí ku e plantanan tabata pará pa un periodo largu.

Refineria Isla ta yama danki na tur trahadó di CRU i kontratistanan ku durante di e último simannan a hasi un esfuerso grandi pa pone CRU den kondishon pa por suminstrá Refineria Isla ku sufisiente utilidat atrobe.

Durante e proseso pa pone e plantanan bèk den produkshon, Refineria Isla lo tuma tur medida pa garantisá un proseso efisiente i minimalisá kualkier molèster ku e prosesonan aki eventualmente por kousa pa komunidat.

Departamentu di Relashon Públiko

Refineria Isla Curaçao B.V.

8 di yanüari 2019

www.refineriaisla.com

Advertisements
error: Content is protected !!
%d bloggers like this: