Advertisements

Ku e konosido aktris Ruddy Rodriguez i Miss Mundo komo maestro di seremonia FAUSTO MIÑO DEN KONSIERTO GRATIS DJAMARS 15 DI YANAURI DEN SAMBIL KU THE FREEWINDSBAND

Ku e konosido aktris Ruddy Rodriguez i Miss Mundo komo maestro di seremonia

 

FAUSTO MIÑO DEN KONSIERTO GRATIS DJAMARS 15 DI YANAURI DEN SAMBIL KU THE FREEWINDSBAND

 

WILLEMSTAD – Djamars dia 15 di yanüari awor, lo tin un konsierto grátis di Fausto Miño den  Sambil ku kompañamentu di The Freewinds Band.

Dos aña pasa Fausto Miño ku ta di  Ecuador a yega di presentá den Sambil huntu ku e konosido Michele Henderson di Dominica. E biaha aki, e lus lo ta riba Fausto Miño i un posibel kantante lokal ku lo keda konfirmá mas lat e siman aki.

BIOGRAFIA ARTISTIKO DI FAUSTO MIÑO

Fausto Miño a subi tarima públiko na 2006, despues ku el a lansa su promé disko titulá: Serracosteño, ku a hiba e kantante e promé lugánan na Ecuador komo un dje artistanan hóben ku a kosecha hopi éksito último añanan.

Na 2008  bou di e seyo di Universal Music, el a lansa e disko titulá “Yo Soy” ku na Spaña a keda publiká pa Valle Music. E trabou aki a logr’é dos disko di platino i kuater di oro.

Na 2011 ela representá Ecuador na Festival Viña del Mar na Chile.  Banda di tur esakinan, e ta Embahador di Bon Boluntat di UNICEF na Ecuador.

Fausto Miño tambe ta ganador di 22 disko di oro i 11 disko di platino na aña 2013 di su mas resien produkshon “Solitario Corazon”. Na 2012 e mesun álbum aki a logra e premio di e mihó kansion Pop na Radio di Komunidat Andino, miéntras ku na 2013 tambe el a gana e premio di mihó artista Ekuatoriano.

EKS MISS MUNDO VENEZUELA RUDDY RODRIGUEZ

Djamars otro siman tambe lo ta presente eks Miss Mundo Venezuela, Ruddy Rodriguez.  Ruddy no solamente ta konosí den mundu di beyesa, pero tambe ta un dje aktrisnan mas popular ku Venezuela a yega di konosé ku hopi hende aki na Kòrsou a yega di sigui den pasado. Ruddy Rodriguez lo fungi komo maestro di seremonia i pueblo di Kòrsou  lo haña oportunidat pa wak e di aserka.

 

THE FREEWINDS BAND I NGN BRAZZ

E kompañamentu musikal lo ta na enkargo di The Freewinds Band i lo tin algun kansion ku e sekshon di Brass lokal, esta NGN Brazz tambe lo forma parti di dje

ENTRADA GRATIS

E konsierto aki lo ta djamars awor dia 15 di yanüari pa 7 or di anochi na Sambil. Un invitashon ta bai na pueblo di Kòrsou pa nan no pèrdè e konsierto aki. Meskos ku ta asisti na konsiertonan riba e barku Freewinds, e biaha aki, Freewinds Band lo ta gratis den Sambil.  Ta spera un asistensia grandi di tur hende ku ke mira un bon show.

Atentamente

.

Foto: Fausto Miño

 

Foto: Ruddy Rodriguez

 

Advertisements
error: Content is protected !!
%d bloggers like this: