KOMUNIKADO DI KUERPO POLISIAL KÒRSOU Insidente den benewater ku morto.

KOMUNIKADO DI KUERPO POLISIAL KÒRSOU

010 / 2018

9 yanüari 2019

Insidente den benewater ku morto.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 8 di yanüari 2019, alrededor di 13.04 or, Sentral di Polis a risibí notifikashon di un insidente ku morto ku a tuma lugá den benewater na e bahia di Rif St. Marie.
Mesora Sentral a dirigí unidat di Barber na e sitio. Na yegada di e patruya, e agentenan a tuma nota di un persona maskulino drumi den awa na kantu for di su konosementu.
For di investigashon a sali na kla ku e víktima tabata praktiká e deporte di “Kite-Surfing” den e benewater en kestion. Na un dado momentu el a bin konfrontá difikultat, ku te na e momentonan aki ta den investigashon.
Ambulans ku a presentá na e sitio a trata na reanima e víktima pero sin resultado.
Dòkter di polis ku a yega na e sitio, a konstatá morto alrededor di 15.00 or, di e hòmber Marlon Simon Gomperts, nasé na Kòrsou, 21 di mart 1963.
Riba òrdu di Fiskal di Ministerio Públiko a konfiská e kurpa sin bida di e víktima pa mas investigashon.

 

 

.

.

error: Content is protected !!