Advertisements

Pronóstiko di tempu pa Kòrsou i bisindario bálido te djárason mainta 6:00 o.l,  9 di yanüari 2019.

Pronóstiko

Pronóstiko di tempu pa Kòrsou i bisindario bálido te djárason mainta 6:00 o.l,  9 di yanüari 2019.
Kompilá: 
djamars 8 di yanüari 2019, 05:00 o.l. (09:00 UTC).

Tempu: Shelu ta por lo general parsialmente nublá ku algu di áwaseru pasahero prinsipalmente den mainta.

Temperatura máksimo lo alkansá 30 ºC i temperatura mínimo 25 ºC.
Solo ta sali 06:59 i ta baha 18:26 o.l.

Bientu:  For di un direkshon generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando te posiblemente fuerte; forsa 6 (40 te 50 km/ora, 22 te 27 nudo).

Situashon general: Aktualmente un preshon haltu riba Atlántiko ta ekstendé debil mente den region di Karibe, miéntras e ta mantené un fluho di bientu moderá te basta fuerte den nos área. Ta antisipá ku e forsa di bientu lo disminuí un poko mas den transkurso di e parti mas lat den e siman aki. Nos laman lo kalma gradualmente i bira basta trankil aserkando e siguiente fin di siman. Di otro un banda, ta premirá ku nubianan por oumentá prinsipalmente den mardugá i mainta i asina posiblemente produsí un tiki áwaseru riba partinan limitá di e isla.

Kondishon di laman: Por lo general moderá ku altura di olanan entre di 0.5 i 1.5 meter (2 te 5 pia).

Fenómeno spesial: Ningun.

Perspektiva te djaweps mainta: Shelu ta sigui parsialmente nublá ku un chèns leve pa algu di áwaseru tempran riba djaweps.

Meteorólogo: Coffie

 

.

.

.

Advertisements
error: Content is protected !!
%d bloggers like this: