Advertisements

Prekario Karnaval 2019 ta habri pa públiko.

Prekario Karnaval 2019 ta habri pa públiko.

Willemstad – Minister Zita Jesus Leito, Servisio pa Planifikashon Urbano (ROP) huntu ku tim di Prekario, ta anunsiá ku ofisina pa atendé ku tur kliente pa tuma pèrmit di prekario pa stènt òf stelage pa temporada di Karnaval ta habri.

Registrashon i pago di stènt of stelage ta repartí segun kada sekshon. Tin 4 sekshon dividí na lèternan A, B, C i D i por pasa tuma pèrmit na ROP, Plasa Horacio Hoyer 19.

 

 

  • Registrashon y pago pa Stelage:

 

Sekshon A: 3,4,5 y 7 yanüari 2019

Sekshon B: 8,9,10 y 12 yanüari 2019

Sekshon C: 14 t/k 16 yanüari 2019

Sekshon D: 17 t/k 19 yanüari 2019

 

 

  • Registrashon y pago pa Stènt:

 

Sekshon A, B, C i D: 3 yanüari te ku 19 yanüari 2019

 

 

  • Orario di ofisina pa Prekario Karnaval:

 

Djaluna pa djaweps: 08:00am pa 12:00pm

01:00pm pa 05:00pm

 

Djabièrnè: 08:00am pa 12:00pm

01:00pm pa 4:30pm

 

Djasabra:

5, 12 i 19 di yanüari 2019:   09:00am pa 02:00pm

 

 

  • Lista di espera ‘Wachtlijst’ ku ta nifiká inskripshon nobo por tuma lugá

 

UNIKAMENTE online riba www.prekariocuracao.com

Fecha pa inskribí riba lista di espera: 3 yanüari t/k 11 yanüari 2019

 

  • Inskripshon nobo pafó di e periodo ariba menshoná NO ta válido.
  • Inskripshon di e aña nan anterior NO ta válido pa aña 2019.

 

 

  • Ta importante pa trese e siguiente dokumento nan ora bin registrá i hasi pago

 

  • Sédula (ID) válido
  • Karta di apoderashon pa aña 2019 huntu ku sédula di e persona ku tin e prekario riba su nòmber.

 

  • Persona nan ku a pèrdè derechi di prekario:

 

Tur persona mester kumpli ku reglanan stipulá den e pèrmit di prekario na momento di kita stelage, pa Karnaval 2018 esaki tabata riba 18 di febrüari 2018 promé ku 3or di atardi. Si esaki NO a tuma lugá, e persona lo risibí un karta pa informá ku esaki a pèrdè su derechi di prekario.

Henter e tim di prekario a traha inkansablemente pa ordená i manehá e parti aki di prekario karnaval. Di e forma aki, nos komunidat por disfrutá di Karnaval na un manera bon strukturá. ROP ke gradesí un i tur pa e kooperashon durante e dianan di entrega di pèrmit.

Ofisina di Tim Prekario Karnaval 2019 ta alkansabel via e number nan 462-2014, 462-4015 i tambe 433-3261. Por manda e-mail na info@prekariocuracao.com, tambe por bishita e página di facebook Prekario Kòrsou.

Advertisements
error: Content is protected !!
%d bloggers like this: