Advertisements

Elekshon Talento i Brindo 2019

Elekshon Talento i Brindo 2019

Reina, Prens i Pancho Brindo 2019 pa Karnaval Banda Bou na Sala Multifunshonal Shon Pe Hooi

Djasabra dia 12 yanüari próksimo, Fundashon Karnaval Banda Bou lo tene nan Elekshon Reina, Prens i Panchi Brindo 2019. Esaki ta un elekshon kaminda ku e partisipantenan den forma di un spich tin ku trese un “Bríndis” pa Karnaval di Banda Bou.

E aña aki e lo bira hopi mas atraktivo, teniendo kuenta ku Karnaval di Banda Bou ta selebrando su 50 aniversario. Pues buska boso karchi i bin apoyá nos 3 Duo Prens i Pancho i 4 Reina pa Karnaval Banda Bou 2019.

Karchinan ta kosta fl.10,– pa persona, ta optenibel serka tur partisipante i na Sede di Fundashon Karnaval Banda Bou na Barber, elekshon ta kuminsá 8’or pa 12’or di anochi na Sala Multifunshonal Shon Pe Hooi, Barber. Lo tin animashon musikal di Dj. Bradly i VEGA.

Pues Fundashon Karnaval Banda Bou ta warda boso…….!!!!!!!

 

===============

 

Elekshon Talento Adulto pa Karnaval 2019 djadumingu riba Kleine Werf

Despues di un wikènt di apertura karnaval 2019, ta sigui e diferente elekshonnan pa asina nos por tin nos embahadornan pa e diferente marchanan.

Djadumingu 13 yanüari próksimo lo tin “Elekshon Talento Adulto” riba Kleine Werf. Un kantidat di 08 Reina i 5 Duo, Prens i Pancho lo ta den disputa pa e titulo di esun mas talentoso.

Pa 7’or enpunto tur kos lo kuminsá. Karchinan ta optenibel serka tur partisipante si nan tin ainda i na Sede di Fundashon JAG riba Schottegatweg West 123, dilanti di Celia Building, na rason di fl. 15,–.

Nos ta spera e pueblo karnavalesko di Kòrsou bin apoyá nos partisipantenan djadumingu próksimo riba Kleine Werf.

.

.

Advertisements
error: Content is protected !!
%d bloggers like this: