Advertisements

Avion di wardakosta a detektá un boto go-fast na oostkust

Ayera nochi alrededor di 11or pa 12or, e avion di wardakosta a detektá un boto go-fast na oostkust, ku a yega kosta pero e tabata bashí. Mesora wardakosta a bai informá serka instansianan konserní esta Polis, Duana i Sta. Barbara security pa aktivá i buska e hendenan ku tabata riba e go-fast. E hendenan a plama den mondi i tabata kore plamá for di otro, loke tabata hasi difisil pa determiná di kuantu persona e grupo tabata konsistí. Despues di un akshon di varios ora durante di oranan di marduga, a logra hasi detenshon di un kantidat di 7 persona: 5 hende muhé venezolano, 1 hende hòmber venezolano i 1 hòmber kurasoleño ku no tabata riba e boto, pero tabata pa yuda ku transporte. E go-fast mes ta na wardakosta i e detenidonan ta na warda di polis. Wardakosta ta kontinuá ku e buskeda pa determiná si tabata tin mas persona a bordo di e go-fast.

Advertisements
error: Content is protected !!
%d bloggers like this: