Advertisements

Festival di Dande 2018 – Un Exito Rotundo

Festival di Dande 2018 – Un Exito Rotundo

Ay Nobe!

ORANJESTAD, Aruba – 31 di December 2018: Digicel ta sumamente satisfecho cu e Festivalnan di Dande 2018.

Representante di Digicel, Sr. Lincoln Gomez a expresa su satisfaccion grandi cu e Festivalnan di Dande 2018. Digicel ta contento di por a sponsor e gran eventonan cultural aki y ta sigura pueblo di Aruba cu Digicel ta dispuesto pa sigui carga y duna sosten na e Festival di Dande.

E cantidad y calidad di participantenan den e festival di hobennan y adultonan ta duna Digicel hopi animo pa sigui carga e evento cultural aki. Palabranan di gratitud ta bay na Sr. Harry Croes, su yui Jessica como tambe na Ray-Anne Hernandez y tur fundacion y hendenan cu a organisa y ehecuta e dos dianan yena di Dande, cultura y folklore den Centro di Bario Tanki Leendert y na Plaza Betico Croes. Palabranan di danki tambe ta bay na e publico cu a scoge pa bin sostene y apoya tur e participantenan den un evento folklorico. Tambe, di parti di Digicel, ta gradici e otro sponsornan y ta spera di por conta cu mas sosten den futuro.

Digicel ta orguyoso di tur participante y finalistanan. Tur participante a duna un bunita presentacion. Na ambos evento nos por a mira participantenan wordo corona cu a presenta un dande pa prome biaha. Esaki ta mustra cu dedicacion, un tiki curashi y hopi alegria, tur hende por logra cualkier reto nobo.  E 2 ganadornan di e Festival di Dande a duna un presentacion excepcional. Nos Rey di Dande 2018, Edjean Semeleer a mustra cu un tiki creatividad y e talento musical di e tipico e por pone sauce den e sonido manteniendo e integridad di e structura di e dande. Su corona ta un simbolo cu tradicion no ta significa stagnacion. Nos Reina di Dande 2018, Sharella Lopez a convence e huradonan y e publico presente cu un presentacion dinamico yena di forza y fe den su mes y e palabranan cu ela canta. Masha Pabien! Tambe ta gradici Minister di cultura Sra. Xiomara Ruiz, kende a keda te na final pa coronacion di e Rey y Reina di Dande 2018.

Digicel ta gradici e medionan di comunicacion cu a percura pa transmision di e festival pa asina cu henter Aruba hunto cu Digicel por a goza di e gran festival aki.

DIGICEL DEN SU 15 AÑA, TA APORTA NA ENGRANDECE CULTURA DI ARUBA.
DANKI ARUBA

 

..

..

..

.

.

..

..

..

Advertisements
error: Content is protected !!
%d bloggers like this: