Advertisements

MINISTERIO PUBLIKO: Komunikado Investigashon di mensahe di Facebook

 

Komunikado

Investigashon di mensahe di Facebook

Ministerio Públiko a kuminsa ku un investigashon di un komentario riba Facebook despues ku un motosiklista a perde su bida den un aksidente tragiko riba 20 di desember. E komentario a sali di un Facebook account privá di Norman Serphos, Bosero di OM. Mesora Serphos a hasi denuncia ku su account a keda malusá ora ku e la nota e komentario. Riba ordu di Ministerio Públiko, reshershi a kuminsa un investigashon di e kaso.

Dos di e famianan di e defuntu huntu ku un periodista a akudi serka Fiskal Mayó awe merdia i a entrega un keho ofisial kontra di Norman Serphos. Di parti di Ministerio Públiko, Fiskal Mayó a ekspresa su profundo kondolensia na famianan ku ta pasando den un tempu difisil.

Lo finalisá e investigashon di KPC huntu ku RST mas pronto posibel. Ministerio Públiko huntu ku Polis lo hasi nan maksimo esfuerso pa yega na e berdat. OM lo publika resultado di e investigashon manera esaki ta kla. Na e momentu ey tambe lo duna di konose ki paso lo tuma kontra di esun ku a hasi su mes kulpabel di a pone e komentario riba Facebook.

Advertisements
error: Content is protected !!
%d bloggers like this: