Advertisements

Klousura di aña i Ekspo Proyekto “Di Tur Un Poko”

Klousura di aña i Ekspo Proyekto “Di Tur Un Poko”

Willemstad – Ministerio di Desaroyo Sosial, Labor i Bienestar tin komo meta entre otro pa huntu ku tur siudadano, empresanan i institutonan stimulá desaroyo sosial i bienestar di habitantenan di Kòrsou.

Den e kuadro aki dia 9 di òktober 2018 Ministerio di Desaroyo Sosial, Labor i Bienestar a inisiá e proyekto “Di Tur Un Poko” den koperashon ku Curaçao Zoo, Buurtregisseur Montaña i Fundashon BBH-Ban Bini Huntu. E proyekto aki ta yuda hóbennan desaroyá nan mes den e sektor di “handyman”. Durante e proyekto e hóbennan ta siña i praktiká, entre otro, trabou di pion, mètsla, pipe fitter, laser i karpinté bou di guia di señor Martina. Ta ofresé e hóbennan tambe lèsnan ku ta duna un aporte na nan desaroyo  personal i profeshonal. E proyekto “Di Tur Un Poko” ta un di e medionan ku Ministerio di Desaroyo Sosial, Labor i Bienestar ta hasi uso di dje pa duna e partisipantenan e hèrmèntnan nesesario pa nan tin mas posibilidat pa haña un puesto riba merkado laboral òf pa bira empresario chikí.

Durante e promé lunanan a enfoká riba e fishi  di “karpinté”. Dia 18 di desèmber 2018 a organisá un eksposishon di tur e artíkulonan ku nan a traha durante e periodo tras di lomba. Finalmente e hóbennan a haña un oportunidat pa sera e aña ku un eksposishon di tur nan logronan.

 

 

 

 

Advertisements
error: Content is protected !!
%d bloggers like this: