Advertisements

REFINERIA DI KORSOU NO TA KOMENTA TOKANTE NOMBER DI “PREFERED  BIDDER” TE NA MOMENTU KU TIN UN AKUERDO DI ENTENDIMENTU

REFINERIA DI KORSOU NO TA KOMENTA TOKANTE NOMBER DI “PREFERED  BIDDER” TE NA MOMENTU KU TIN UN AKUERDO DI ENTENDIMENTU

Willemstad 15 di dèmber 2018- Algun medio di komunikashon resientemente a bin ta spekulá tokante di e nòmber di e potensial partido ku Refineria di Kòrsou (RdK) ta sinta na mesa kuné pa yega na un manehadó i operadó pa nos refineria despues ku e akuerdo aktual terminá na fin di 2019. RdK na e momentu aki no por duna komentario tokante di ken ta e partido aki i mester mantené su mes na e palabrashon ku e partidonan tin ku no ta divulgá nòmber di e partido preferí te na momentu ku por pasa pa firma un akuerdo di entendimentu. RdK i e partido aki ta den kòmbersashon estrecho, trahando dediká, ku e fin di yega na un akuerdo no mas tardá  mitar di yanüari próksimo.

E proseso di buska i yega na un partner pa manehá, operá i modernisá nos refineria ta di sumo importansia pa futuro di nos pais. RdK, na un forma diligente, a kana henter e proseso pa yega te kaminda ku nos ta awe, esta ku tin un asina yama “prefered bidder”, manteniendo su mes na palabrashon ku terser partidonan.  Rdk lo sigui hasi esaki ku e fin di konkluí e proseso eksitosamente na bienestar di nos komunidat.

RdK por komprondé ku tin un interes ta biba bou di nos komunidat pa por yega na un klaridat tokante di e futuro di nos refineria.  RdK den mesun rosea ta spera tambe ku nos tur den komunidat lo sa di atendé ku e proseso na un forma madurá netamente debí na su importansia pe bienestar di nos komunidat.

Advertisements
error: Content is protected !!
%d bloggers like this: