Advertisements

Servisio di Atmishon no ta aseptá petishonnan inkompleto mas

Servisio di Atmishon no ta aseptá petishonnan inkompleto mas

 

Den kuadro di revishon di e maneho pa ku atmishon di estranhero, Servisio di Atmishon ta informá ku entrante 1 di yanüari 2019 no  ta tuma petishonnan inkompleto mas. Ta trata aki di petishonnan pa un pèrmit di estadia temporal, deklarashonnan, restitushon i prolongashon di estadia turístiko na Servisio di Atmishon Kòrsou. Esaki ta konta tantu pa un promé petishon, petishon pa kambio komo petishon pa prolongashon di un pèrmit di estadia temporal. E maneho anterior kaminda ku denter di 6 siman por a entregá dokumentonan ku ta falta, a keda anulá na aña 2015.

Ku petishon inkompleto ta referí  na petishonnan pa un pèrmit di estadia, deklarashon, restitushon, karta di reingreso i prolongashon di estadia turístiko, kaminda na momentu di hasi petishon:

  1. E petishonario no a entregá tur dokumento obligatorio konforme lista di eksigenshanan;
  2. E petishonario no por a mustra komprobante di pago di retributies en leges;
  3. E petishonario a entregá aktanan rekerí sin apostia òf legalisashon.

 

Dokumento emití pa instansia gubernamental

Solamente den kaso di un petishon pa prolongashon òf un petishon pa kambio di pèrmit di estadia temporal, di kual ta falta un dokumento emití pa un instansia gubernamental, e petishonario por entregá su petishon sin e dokumento aki. E petishonario mester motivá esaki i presentá ku e prueba ku ta indiká ku a hasi un petishon pa e dokumento. Ta trata di dokumentonan manera deklarashon di  entrada emití pa servisio di impuesto, un pèrmit di establesimentu i pèrmit di direktor emití pa Ministerio di Desaroyo Ekonómiko òf un pèrmit di trabou emití pa Ministerio di Desaroyo Sosial, Labor i Bienestar. Mester tene na kuenta ku falta di e dokumento aki tin konsekuensha na momento di trata e petishon.

Pèrmit di trabou

Ta importante pa remarká ku konforme artíkulo 10 insiso 1 bou di a di Eilandsbesluit Arbeid Vreemdelingen (EAV), na momentu ku e estranhero trahadó tin un pèrmit di estadia indefiní, e dunadó di trabou no mester pidi un pèrmit di trabou pa e trahadó aki. Den tur otro kaso, e pèrmit di trabou mester ta inkluí den e petishon pa pèrmit di estadia.

Pa keda na altura di tur informashon, por bishitá nos  página di Facebook Toelatingsorganisatie Curaçao-Inmigrashon Kòrsou òf website di gobièrnu www.gobiernu.cw. Por tuma kontakto ku nos na telefòn 733-2000 òf manda un email na info@immigrationcur.org.

Advertisements
error: Content is protected !!
%d bloggers like this: